Dövlət Dəniz Agentliyi hava şəraiti ilə bağlı xəbərdarlıq edib | 1news.az | Xəbərlər
Cəmiyyət

Dövlət Dəniz Agentliyi hava şəraiti ilə bağlı xəbərdarlıq edib

16:55 - 26 / 07 / 2021
Dövlət Dəniz Agentliyi hava şəraiti ilə bağlı xəbərdarlıq edib

Nəqliyyat, Rabitə və Yüksək Texnologiyalar Nazirliyi yanında Dövlət Dəniz Agentliyinin Gəmilərin Uzaq Məsafədən Tanınma və İzləmə Milli Mərkəzinə təhlükəli hidrometeoroloji hadisə haqqında xəbərdarlıq daxil olub.

Bu barədə 1news.az-a Dövlət Dəniz Agentliyindən bildirilib. Xəbərdarlıqda qeyd olunub ki, bu gün axşam saatlarından başlayaraq Xəzər dəniz akvatoriyasında Şimal-Qərb, Şimal küləyi 13-18, arabir 20-23 m/s, sonrakı inkişafda isə 25-30 m/s-dək güclənəcək. Dalğanın hündürlüyünün 3.0-5.5 metrə çatacağı proqnozlaşdırılır. İyulun 27-si axşamdan 29-na kimi isə Şimal-Qərb küləyinin 19-24, arabir 28-33, açıq dənizdə 35 m/s kimi güclənəcəyi gözlənilir. Dalğanın hündürlüyünün 2.0-4.0, sonrakı inkişafda 5.0-7.0 metrə çatacağı proqnozlaşdırılır.

Qeyd edək ki, bu gün hava proqnozu Dövlət Dəniz Agentliyinin Milli Mərkəzinə daxil olan andan etibarən gəmi sahibləri, liman kapitanları, liman nəzarət müfəttişləri müvafiq tədbirlərin həyata keçirilməsi və xidmətin gücləndirilməsi ilə bağlı təlimatlandırılıb. Gəmilərin Hərəkətinin İdarəetmə Xidmətinin ərazisində lövbərdə duran və hərəkətdə olan gəmilərə məlumatlar ötürülüb, müvafiq təlimatlar verilib.

Bununla yanaşı, hava şəraitinə uyğun olaraq gəmilərin təhlükəsiz şəkildə lövbər sığınacaqlarında dayanması təmin olunur. Milli Mərkəzin təcrübəli kapitanları tərəfindən gəmilər müvafiq lövbər sığınacaqlarına yerləşdirildikdən sonra da onların təhlükəsiz lövbərdə durma prosesi radarlar vasitəsilə fasiləsiz olaraq nəzarətdə saxlanılır.

Hava şəraitinə uyğun olaraq Milli Mərkəz tərəfindən gəmilərin hərəkətinə və limanlara giriş-çıxışına icazə verilməsi, hərəkətin məhdudlaşdırılması, limanların bağlanması barədə tədbirlər görülür.

Bu gün, həmçinin dənizdə neft-qaz platformalarının aid olduğu qurumlar hava xəbərdarlığı ilə bağlı məlumatlandırılıb. Sahilboyu ərazilərdə naviqasiya və rabitə stansiyaları tam gücü ilə çalışır.

Dövlət Dəniz Agentliyinin Gəmilərin Uzaq Məsafədən Tanınma və İzləmə Milli Mərkəzi nəzarət etdiyi ərazidə mövcud olan bütün texniki vasitələrlə müşahidənin gücləndirilməsi və gəmilərin hərəkətinin təhlükəsizliyinin təmin edilməsi istiqamətində fasiləsiz xidmət həyata keçirilir. Eyni zamanda Fövqəladə Hallar Nazirliyinin Böhran Vəziyyətlərində İdarəetmə Mərkəzi, Müdafiə Nazirliyinin Hərbi Dəniz Qüvvələri, Dövlət Sərhəd Xidmətinin Sahil Mühafizəsi növbə xidmətləri, Xəzər Dəniz Gəmiçiliyinin müvafiq növbətçi xidməti, Azərbaycan Respublikası Dövlət Neft Şirkəti və BP şirkətinin müvafiq qurumları ilə mütəmadi qarşılıqlı məlumat mübadiləsi həyata keçirilir.

1news.az

Paylaş:
155

Son xəbərlər

Sevinc Fətəliyeva: Qarabağ münaqişəsinin keçmişdə qaldığı Prezident İlham Əliyev tərəfindən BMT müstəvisində bəyan olundu24 / 09 / 2021, 21:34Şəhər və rayonlararası sərnişindaşımada COVID-19 pasportu tələb olunacaq24 / 09 / 2021, 18:00Teatr və kinoteatrların fəaliyyəti bərpa edilir24 / 09 / 2021, 17:56Həftəsonu ictimai nəqliyyat işləyəcək – RƏSMİ24 / 09 / 2021, 17:53Operativ Qərargah xüsusi karantin rejiminin yumşaldılması ilə bağlı qərar qəbul etdi - SİYAHI24 / 09 / 2021, 17:50Pilot layihə çərçivəsində 45 minə yaxın şagirdə məktəbli ləvazimatı verilib - FOTO24 / 09 / 2021, 17:45İƏT nümayəndə heyəti beynəlxalq faktaraşdırcı missiya çərçivəsində Tərtərdə olub - FOTO24 / 09 / 2021, 17:30Milli Məclisin deputatları AŞPA-nın payiz sessiyasında iştirak edəcəklər24 / 09 / 2021, 17:26Ceyhun Bayramov BMT rəsmisini Ermənistanın xarici terrorçulardan istifadə etməsi barədə məlumatlandırıb24 / 09 / 2021, 17:12İndiyədək Azərbaycanda nə qədər peyvənd vurulub? - STATİSTİKA24 / 09 / 2021, 16:43Azərbaycanda 24 sentyabra olan koronavirus STATİSTİKASI açıqlandı24 / 09 / 2021, 16:40“Biz hansısa məsələnin ATƏT-in kənardan müdaxilə edərək həll etməsinə imkan verə bilmərik” - Fazil Mustafa24 / 09 / 2021, 16:29Bakıda 3 şagird və 1 müəllimdə yüksək temperatur qeydə alınıb24 / 09 / 2021, 16:24Milli Məclisin 30 sentyabrda keçiriləcək iclasının gündəliyi açıqlandı - SİYAHI24 / 09 / 2021, 16:14Mehriban Əliyeva Bakının Binə qəsəbəsində yeni inşa edilən məktəbdə yaradılan şəraitlə tanış olub - FOTO24 / 09 / 2021, 16:09Müdafiə Nazirliyi vətəndaş narazılığı ilə bağlı açıqlama yaydı24 / 09 / 2021, 16:03“İlham Əliyevin bir il əvvəl BMT-nin Baş Assambleyasında dediyi sözlər reallaşdı” – Naqif Həmzəyev24 / 09 / 2021, 15:29“BakıKart”ın balansını onlayn artırmaq mümkün oldu – VİDEO24 / 09 / 2021, 15:28“Qırmızı ürəklər”in saytı təqdim edildi24 / 09 / 2021, 15:25Könül Nurullayeva: Dünya birliyi də anlayır ki, Azərbaycanın təklif etdiyi sülh sazişi regionu əməkdaşlıq platformasına çevirəcək24 / 09 / 2021, 15:20
Bütün xəbərlər

Next TV