Xırdalanda küləyin damını uçurduğu məktəb təmir olunur

“Hazırda Xırdalan şəhər 9 nömrəli tam orta məktəbdə dam örtüyünün dəyişdirilməsi ilə bağlı təmir işləri aparılır”.

1news.az-ın APA-ya istinadla verdiyi xəbərə görə, bu barədə Abşeron Rayon Təhsil Şöbəsindən bildirilib. Bildirilib ki, təhlükəsizlik məqsədilə məktəbin bəzi sinifləri onlayn tədrisə cəlb olunub, digər siniflər isə ənənəvi qaydada məktəbə gəlir.

Qeyd edək ki, aprelin 4-də əsən güclü külək nəticəsində Xırdalan şəhər 9 nömrəli tam orta məktəbin dam örtüyünün bir hissəsi uçub.