Prezidentin Lerikə icra başçısı təyin etdiyi 34 yaşlı Əkbər Abbasovun DOSYESİ

Prezident İlham Əliyevin sərəncamıyla Əkbər Bəxtiyar oğlu Abbasov Lerik Rayon İcra Hakimiyyətinin başçısı təyin edilib.

1news.az Əkbər Abbasov haqqında məlumatları təqdim edir: Ə.Abbasov 1988-ci ildə anadan olub.

O, Azərbaycan Dövlət İqtisad Universitetində Beynəlxalq iqtisadi münasibətlər ixtisası üzrə bakalavriat, Avropa London Biznes Məktəbində Maliyyə menecmenti ixtisası üzrə magistratura, Azərbaycan Milli Elmlər Akademiyasında Texnoloji İnnovasiyalar İqtisadiyyatı ixtisası üzrə aspirantura/doktorantura təhsili alıb.

Ə.Abbasov yeni təyinatadək Kənd Təsərrüfatı Nazirliyinin Aqrar Elm və İnnovasiya Mərkəzində direktor vəzifəsində çalışıb. O, Yüksəliş müsabiqəsinin qaliblərindəndir.