AzMİU Türkiyənin Bilkent Universiteti ilə əməkdaşlıq edəcək | 1news.az | Xəbərlər
Cəmiyyət

AzMİU Türkiyənin Bilkent Universiteti ilə əməkdaşlıq edəcək

14:27 - 03 / 10 / 2022
AzMİU Türkiyənin Bilkent Universiteti ilə əməkdaşlıq edəcək

Türkiyənin Bilkent Universitetinin rektoru, professor Kürşat Aydoğan, həmin universitetin prorektoru, professor Ezhan Karaşan və Azərbaycanın Türkiyədəki səfirliyinin təhsil müşaviri Nəcibə Nəsibova Azərbaycan Memarlıq və İnşaat Universitetində (AzMİU) olublar.

1news.az xəbər verir ki, Əvvəlcə qonaqlar və AzMİU-nun rəhbərliyi Fəxri Xiyabanda ulu öndər Heydər Əliyevin məzarını və Şəhidlər Xiyabanını ziyarət ediblər. Daha sonra AzMİU-da qonaqlarla universitet rəhbərliyinin görüşü keçirilib.

Qonaqları salamlayan AzMİU-nun rektoru, professor Gülçöhrə Məmmədova ulu öndər Heydər Əliyevin Bilkent Universitetinin qurucusu, Türk Dünyasının şöhrətli alimi, professor İhsan Doğramacı ilə dərin dostluq əlaqəsinə diqqət çəkib və bu dostluğun nəticəsində Bilkent Universitetinin Azərbaycan üçün doğmalaşdığını vurğulayıb. İhsan Doğramacının sağlığında Bilkent Universitetinə səfərini xatırladan rektor qeyd edib ki, yaxın əlaqələr AzMİU və Bilkent Universiteti arasında başladılan əməkdaşlığın sürətli inkişafına yol açacaq.

Bilkent Universitetinin rektoru, professor Kürşat Aydoğan da çıxışı zamanı ulu öndər Heydər Əliyevlə professor İhsan Doğramacının yaxın dostluq əlaqələrindən danışıb və AzMİU rektoruna İhsan Doğramancının Bilkent Universitetinin ərazisindəki abidəsinin təməlqoyma mərasimində Ulu Öndərin lentə alınan fotosunu hədiyyə edib. Professor Kürşat Aydoğan AzMİU ilə əməkdaşlıqdan məmnun olduqlarını, əlaqələrin gücləndirilməsi üçün qarşılıqlı səfərlərin həyata keçirilməsinin vacibliyini qeyd edib.

Bilkent Universitetin prorektoru, professor Ezhan Karaşan və Azərbaycanın Türkiyədəki səfirliyinin təhsil müşaviri Nəcibə Nəsibova da çıxış edərək iki universitet arasında yeni başladılan əməkdaşlığın önəmindən danışıblar.

Sonra AzMİU və Bilkent Universiteti arasında əməkdaşlıq müqaviləsi imzalanıb. Müqaviləni AzMİU-nun rektoru, professor Gülçöhrə Məmmədova və Bilkent Universitetinin rektoru, professor Kürşat Aydoğan imzalayıb.

Müqavilədə hər iki universitetin akademik heyət, tələbə və tədqiqat qrupları arasında əməkdaşlıq niyyətinin olduğu qeyd olunub.

Bundan əlavə, universitetlər qarşılıqlı maraq çərçivəsində bir sıra prinsip üzrə razılığa gəliblər:

- Təhsil sahəsində birgə proqramların tədqiqi və inkişafı;

- Beynəlxalq, regional və milli layihələrdə birgə iştirak;

- Tələbə, müəllim və akademik heyətin mübadiləsi (təlim, mühazirə, təcrübə, stajkeçmə və tədqiqat fəaliyyətində iştirak);

- Əvvəlcədən razılaşdırılmış mövzular üzrə birgə elmi konfranslar, seminarlar, simpoziumlar, dəyirmi masaların təşkili;

- Qarşılıqlı maraq doğuran sahələr üzrə birgə tədqiqat layihələrinin təşkili və həyata keçirilməsi;

- Elm və tədris məqsədləri üçün istifadə oluna biləcək təqdiqat və elmi məlumatların mübadiləsi;

- Ali təhsilin keyfiyyətini yaxşılaşdırmaq üçün institusional əlaqələrin inkişaf etdirilməsi.

Müqavilə imzalandıqdan sonra qonaqlar AzMİU-nun tədris korpusları və elmi-tədqiqat laboratoriyaları ilə tanış olublar, professor-müəllim heyəti, tələbələrlə söhbət ediblər.

Məlumat üçün bildirək ki, AzMİU-nun dünyanın 100-dən çox nüfuzlu universiteti ilə əməkdaşlıq və 6 ikili diplom proqramı müqaviləsi mövcuddur.

Paylaş:
203

Son xəbərlər

Bakıda idman arenasında qətl törədilibBu gün, 18:10Prezident İlham Əliyev Azərbaycanda iki yeni medalın təsis olunmasını təsdiqləyibBu gün, 18:00Əməkdar mədəniyyət işçilərinə dosent və professor adı verilməyəcəkBu gün, 17:50Fəlsəfə doktoru imtahanlarına dair tələblər dəyişibBu gün, 17:35Prezident həqiqi hərbi xidmətə çağırışla bağlı sərəncam imzalayıbBu gün, 17:16Pakistan Baş naziri Prezident İlham Əliyevə təşəkkür edibBu gün, 17:07Sevinc Fətəliyeva : “Azərbaycan artıq mötəbər beynəlxalq tədbirlərin təşəbbüskarı və təşkilatçısı kimi tanınır”Bu gün, 16:50Peyvənd olunanların sayı açıqlanıbBu gün, 16:39Azərbaycanda daha 25 nəfər COVID-19-a yoluxubBu gün, 16:37Keniyada Azərbaycan Səfirliyinin fəaliyyətinin təmin edilməsi barədə sərəncam imzalanıbBu gün, 16:32İlham Əliyev Albaniyada səfirliyin fəaliyyətinin təmin edilməsi haqqında sərəncam imzalayıbBu gün, 16:30Azərbaycanın Fələstində Təmsilçilik Ofisinin strukturu və ştat cədvəli təsdiq ediləcəkBu gün, 16:27Azərbaycan Fələstində Təmsilçilik Ofisi təsis ediləcəkBu gün, 16:15Dünya Oyunları: Azərbaycan para-üzgüçüsü gümüş medal qazanıbBu gün, 16:08Ombudsmanın nümayəndələri Suriyadan gətirilən qadın və uşaqlarla görüşübBu gün, 15:49Paylaşdığı fotoya feysbuk şərh yazdı - FOTOBu gün, 15:37FHN Xətai Rayon İcra Hakimiyyətində müşavirə keçiribBu gün, 15:2282 yaşlı Xalq artisti idman zalında - FOTOBu gün, 15:01Azərbaycan və Rusiya prezidentləri üçtərəfli razılaşmaların icrasını müzakirə edibBu gün, 14:45Azərbaycan Ordusunun Daşkəsən, Ağdam və Xocavənddəki mövqeləri atəşə tutulubBu gün, 14:27
Bütün xəbərlər

Next TV