189-190 nömrəli tam orta məktəbə yeni direktor təyin olunub

1 noyabr 2022-ci il tarixində Fayaz Hüseynov Bakı şəhəri 189-190 nömrəli tam orta məktəbə direktor vəzifəsinə təyin edilib.

Bu barədə 1news.az-ın sorğusuna cavab olaraq Bakı şəhəri üzrə Təhsil idarəsindən məlumat verilib.

Qeyd olunub ki, F.Hüseynov bundan əvvəl Bakı şəhəri 60 nömrəli tam orta məktəbin və 2 nömrəli Texniki-humanitar liseyə rəhbərlik edib.

Xatırladaq ki, bundan əvvəl məktəbin direktoru Ceyran Quliyeva müəllimlərin votsap qrupunda pul yığılması ilə bağlı səs yazısı yayılmışdı. O, səs yazısında müəllimlərdən bütün siniflərdən pul yığmağı tələb etmişdi. Hadisədən bir neçə gün sonra isə C.Quliyeva vəzifəsindən azad edilib.