İsveçdə yaşayan jurnalist Azərbaycanda səfərdə olub | 1news.az | Xəbərlər
Cəmiyyət

İsveçdə yaşayan jurnalist Azərbaycanda səfərdə olub

Qafar Ağayev13:42 - 24 / 01 / 2023
İsveçdə yaşayan jurnalist Azərbaycanda səfərdə olub

İsveçdə yaşayan Ərdəbil əsilli azərbaycanlı jurnalist Əlirza Ərdəbili Diasporla İş üzrə Dövlət Komitəsində olub və Komitə sədri Fuad Muradovla görüşüb.

1news.az xəbər verir ki, qonağı Bakıda salamlamaqdan məmnun olduğunu bildirən Komitə sədri bütün dünyadakı, o cümlədən İsveçdəki soydaşlarımızın bir araya gəlməsi, Azərbaycan həqiqətlərinin və mədəniyyətinin güclü təbliğ olunması istiqamətində həyata keçirilən layihələrdən danışıb. Bildirib ki, dünyanın müxtəlif ölkələrində yaşayan bütün azərbaycanlıların əməkdaşlığının, həmrəyliyinin daha yüksək səviyyəyə çatdırılması diasporun ümdə və tarixi vəzifəsidir.

Görüşə görə təşəkkürünü bildirən Stokholmdakı “Azərbaycan səsi” radiosunun rəhbəri, “Tribun” jurnalının baş redaktoru, “Azərbaycan Tribunu” saytının direktoru, Güney Azərbaycan Milli Demokratik Birliyi təşkilatının sözçüsü Əlirza Ərdəbili cənubi azərbaycanlılarla mədəni əlaqələrin qurulması və inkişafı, ana dilinin müvafiq vasitələrlə tətbiqi və tədrisi üsullarının həyata keçirilməsi istiqamətində əməkdaşlıq perspektivləri barədə fikirlərini bölüşüb. 30 il ərzində erməni işğalçıları tərəfindən Qarabağda törədilmiş cinayətlərin nəticələri ilə əyani olaraq tanış olmaq, onları dünya ictimaiyyətinin diqqətinə çatdırmaq istəyindən danışıb.

Səfər zamanı soydaşımız Ulu öndər Heydər Əliyevin məzarını, Şəhidlər Xiyabanını ziyarət edib, Milli Məclisin üzvləri ilə görüşüb, Topçubaşov mərkəzində “Güney Azərbaycan məsələsi beynəlxalq aləmdə” mövzusunda keçirilən dəyirmi masada iştirak edib.

Sonra işğaldan azad edilmiş ərazilərimizə səfər edən ərdəbilli jurnalist Ağdam şəhərindəki dini, mədəni və tarixi abidələr, o cümlədən İmarət kompleksi, Ağdam Cümə məscidi, Dram Teatrı binasının qalıqları və yerlə-yeksan edilmiş Şəhidlər xiyabanı ilə tanış olub. Araz çayının üzərində qurulmuş Xudafərin tarixi abidəsini ziyarətdən sonra Azərbaycanın mədəniyyət paytaxtı Şuşa şəhərində Xurşud banu Natəvanın saray kompleksini, Üzeyir Hacıbəylinin abidəsini, Molla Pənah Vaqifin məqbərəsini, Şuşa qalasını ziyarət edib, Cıdır düzündə olub.

Qarabağda gördüklərindən dəhşətə gələn jurnalist ermənilərin vandalizm əməllərinə görə beynəlxalq ictimaiyyəti ittiham edib. “Ağdamda mədəniyyətin izlərini və ermənilərin vəhşi, vandal, insanlıqdan uzaq əməllərinin şahidi oldum. Gördüklərim həm də bu vəhşiliyə göz yuman bəşəriyyətin üz qarasıdır. Ermənilərin cinayətkar əməlləri haqqında çox yazılmalı, filmlər çəkilməlidir. Mən də bir Azərbaycan ailəsinin üzvü kimi bu istiqamətdə üzərimə düşəni edəcəyəm”, – deyə Əlirza Ərdəbili bildirib.

Əlirza Ərdəbilli səfəri çərçivəsində “Vətən uzaqda deyil” proqramına müsahibə verib, görkəmli dövlət xadimi Heydər Əliyevlə Naxçıvanda görüşməsindən danışıb və ondan aldığı tarixi müsahibə barədə maraqlı xatirələrini bölüşüb.

Paylaş:
213

Son xəbərlər

CAR lideri Prezident İlham Əliyevi təbrik edibBu gün, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10Türkiyədən ilhamlanmış “Beynəlxalq Sıfır Tullantı Günü” ilə tullantısız gələcək - FOTOBu gün, 12:58“Azneft”in rəhbərini işdən çıxardı - Yeni təyinatBu gün, 12:41Mərkəzi Bank: Azərbaycanda manata inam qorunub saxlanılıbBu gün, 12:38Sabah qərb küləyi əsəcək - ProqnozBu gün, 12:22“Azərbaycan” gəmi-bərəsi yenidən istismara qaytarılıb - FOTOBu gün, 12:15
Bütün xəbərlər