Metronun “Nərimanov” stansiyasında yaranan sıxlığın səbəbi açıqlandı

Bakı Metrosunun "Həzi Aslanov-Dərnəgül" marşrutu üzrə hərəkət edən qatar "Nərimanov" stansiyasında ikən baş vaqonun qapısı bağlanmadığından normativlərə uyğun texniki baxış keçirilməsi zərurəti yaranıb.

"Bakı Metropoliteni" QSC-dən 1news.az-a verilən məlumata görə, Maşinist əlavə texniki baxış tələb etdiyindən qatar sərnişinlər düşürülməklə "Nərimanov" elektrik deposuna yola salınıb.

"Nəticədə, intervaldan əlavə bir marşrut üzrə 4 dəqiqəlik yubanma yaranıb. Həmin qatarın əvəzinə xəttə ehtiyat qatar verilib" - deyə, verilən məlumatda qeyd olunub.