Eyni yolu həm xüsusi zolaqdan istifadə edən avtobusla, həm də fərdi avtomobillə getdik - EKSPERİMENT - VİDEO

Dünyanın bir çox şəhərində olduğu kimi paytaxt Bakıda da sıxlığı nəzərə alaraq ictimai nəqliyyatdan istifadə edənlərin mənzil başına rahat çatmalarını təmin etmək üçün əsas küçə və prospektlərdə avtobuslar üçün xüsusi zolaqlar çəkilib.
Zaman-zaman bu zolaqlarla bağlı narazılıqlar ifadə olunur.

Belə ki, ictimai nəqliyyatdan istifadə edənlər bu zolaqların işə yaramadığını, zolaqların "manatlıq taksi" və ya parkinqə çevrildiyi bildirilir.

1news.az-ın əməkdaşları avtobus zolaqlarının Bakı küçələrində nə qədər effektiv olduğunu görmək üçün eksperiment keçirib.

Belə ki, bir gün eyni saatda zolaqdan istifadə edən avrobusla, növbəti gün isə həmin avtobusun marşrutunu şəxsi nəqliyyat vasitəmizlə getdik.

Marşrut olaraq isə, bütün hərəkət istiqaməti xüsusi zolaqla əhatə olunan 7A nömrəli marşrut xəttini seçdik.
Bu avtobusun bir başlanğıcından, yəni Gəncə prospekti 39 ünvanından Bakı Beynəlxalq Avtovağzalına qədər qeyd etdiyimiz kimi hərəkət etdik.

Bir gün əvvəl 18:23-də 7A nömrəli avtobusla, növbəti gün isə şəxsi nəqliyyat vasitəmizlə həmin yolu qət etdik.

Yolun ümumi uzunluğu 24 kilometrdir, avtobus bu yolu 1 saat 10 dəqiqəyə getməlidir.

Nəticəni sizə təqdim edirik.

Ətraflı videoda:

Video: Nadir İbrahimli