Ekologiya Nazirliyi: Sumqayıtda yanğın nəticəsində havaya qatı tüstü yayılıb

Sumqayıt şəhərində yerləşən Etilen-Polietilen zavodunda baş verən yanğınla bağlı Ekologiya və Təbii Sərvətlər Nazirliyinin rəsmiləri və mütəxəssisləri hazırda hadisə yerindədirlər.

Nazirliyin Mətbuat Xidmətinin rəhbəri İradə İbrahimova 1news.az-a bildirib ki, yanğın nəticəsində havaya qatı tüstü yayılıb. Hazırda Ətraf Mühitin Monitorinqi üzrə Mərkəzin əməkdaşları tərəfindən ərazidə atmosfer havasının monitorinqi işlərinə başlanılıb.