Ermənistanda ağır yol qəzası olub, ölən və yaralananlar var

Ötən gecə saat 00:27 radələrində İrəvan-Gümrü magistralında baş verən qəzada 11 nəfər ölüb.

1news.az Ermənistan KİV-lərinə istinadən xəbər verir ki, Lancik kəndi yaxınlığında baş verən hadisə “Volkswagen” markalı sərnişin mikroavtobusu ilə “ZİL” markalı yük avtomobili toqquşması nəticəsində baş verib.

Qəza nəticəsində xəsarət alan 6 nəfər xəstəxanaya yerləşdirilib.

Hadisə yerinə xilasedicilər və polislər cəlb olunub.