“Ordumuzun növbəti tarixi uğurundan sonra yeni reallıqlar yarandı” - Deputat | 1news.az | Xəbərlər
Siyasət

“Ordumuzun növbəti tarixi uğurundan sonra yeni reallıqlar yarandı” - Deputat

Ayşən İsmayılova15:54 - 21 / 09 / 2023
“Ordumuzun növbəti tarixi uğurundan sonra yeni reallıqlar yarandı” - Deputat

“Sentyabr ayının 19-dan 20-ə qədər Azərbaycan silahlı qüvvələrinin həyata keçirdiyi lokal antiterror tədbirlər başa çatdıqdan sonra qarşıdakı əsas hədəflərin sırasında birinci yerdə dayanan məsələ Qarabağdakı ermənilərin Azərbaycana inteqrasiyası ilə bağlı məsələdir”.

Bunu Yevlaxda Qarabağın erməni sakinlərinin nümayəndələri ilə keçirilən görüş ilə bağlı 1news.az-a açıqlamasında Milli Məclisin deputatı Elman Nəsirov deyib.

“Bu məsələ ilə bağlı Azərbaycan prezidenti İlham Əliyev dəfələrlə öz mövqeyini açıqlayıb. Və söyləyib ki, bu məsələ birincisi, Azərbaycanın daxili işidir, ikincisi, Azərbaycanın mərkəzi hakimiyyəti Qarabağ ermənilərinin siyasi hüquqlarına və təhlükəsizliyinə tam təminat verib. Üçüncüsü isə, bura üçüncü bir dövlətin müdaxiləsi qəbuledilməzdir. Buna biz imkan vermərik.
Nəzərə alaq ki, cənab prezidentin sözü imzası qədər gücə malikdir. Görüşlərdən imtinanın əsas səbəbkarı Qarabağdakı xunta reijimi idi. Bu rejim imkan vermirdi ki, Qarabağ ermənilərinin nümayəndələri Azərbaycana inteqrasiya ilə bağlı belə görüşlər keçirsinlər".

Deputat qeyd edib ki, artıq ordumuzun növbəti tarixi uğurundan sonra yeni reallıqlar yarandı.

“Azərbaycan Respublikasının Qarabağ bölgəsində yerləşən Ermənistan silahlı qüvvələrinin birləşmələri, qeyri-qanuni erməni silahlı dəstələri silahı yerə qoydu, döyüş mövqelərindən və hərbi postlardan çıxır və tam şəkildə tərksilah olunurlar. Belə olan vəziyyətdə artıq Yevlax şəhərində Azərbaycan Respublikasının danışıqlar üzrə xüsusi nümayəndəsi ilə Qarabağ ermənilərinin nümayəndələri arasında görüş keçirildi".

"“Bu görüşdə hansı məsələlər müzakirə edilib?” sualına gəldikdə, hesab edirəm ki, Azərbaycan Prezidenti İlham Əliyevin 20 sentyabrda xalqa müraciətində onun əsas istiqamətləri göstərilib" - deyə, deputat əlavə edib:

" Birincisi, Qarabağ ermənilərinin hüquqları və öhdəlikləri müəyyən ediləcək və bu hüquq və öhdəliklər əslində bəllidir. Azərbaycanda yaşayan bütün vətəndaşlar hansı hüquq və öhdəliklərə malikdirsə, ermənilər də eyni hüquq və öhdəliklərin daşıyıcıları olacaqlar. Cənab prezident bir qədər də detallara gedərək söylədi ki, Qarabağ ermənilərinin təhsil, mədəniyyət, dinlə bağlı bütün hüquqları təmin ediləcəkdir. Güman edirik ki, bu məsələlərlə bağlı Yevlaxda geniş müzakirələr keçirilib və həmin məsələlərlə də bağlı razılaşma əldə edildiyini proqnozlaşdırmaq mümkündür”.

Paylaş:
284

Son xəbərlər

Bakıda narkokuryerdən 7 kq marixuana götürülübBu gün, 17:45İxtisas imtahanlarında iştirak etmək üçün ödənişin məbləği müəyyən edilibBu gün, 17:36Üç rayonda kömür quyuları aşkarlanıb, səkkiz nəfər cəzalandırılıbBu gün, 17:32“Azərişıq” abonentlərə müraciət edibBu gün, 17:20ADSEA-nın fəaliyyət istiqamətləri üzrə müvafiq işlərin görülməsi üçün alınması tələb olunmayan icazələrin siyahısı təsdiqlənibBu gün, 17:14Bu gün Xalq rəssamı Tahir Salahovun anım günüdürBu gün, 17:06Ceyhun Bayramov Əli Bağeri ilə Azərbaycanın İrandakı səfirliyinin bərpası istiqamətində görülən tədbirləri müzakirə edibBu gün, 16:53Nizami rayonu ərazisində motosikletlə avtoxuliqanlıq edən sürücü həbs edilibBu gün, 16:46Mayın 5-də keçirilən imtahanların nəticələri açıqlanıbBu gün, 16:36Şimşək çaxacaq, leysan yağacaq - XƏBƏRDARLIQ - YENİLƏNİBBu gün, 16:25Tərtərdə heyvan otaran şəxs minaya düşərək ölübBu gün, 16:12Ceyhun Bayramov İran XİN rəhbəri vəzifəsini icra edən Əli Bağeri ilə telefonla danışıbBu gün, 16:04Tovuzda evdə yanğın olubBu gün, 15:38Hitrou hava limanı AZAL-a həsr olunmuş paylaşım edibBu gün, 15:37Milli Məclisin növbəti iclasının gündəliyi açıqlanıbBu gün, 15:18Bakıda Hindistan vətəndaşlarını ABŞ-yə aparmaq adı ilə aldadan pakistanlı saxlanılıbBu gün, 15:01Ağstafada davranış qaydalarını pozan məktəb direktoru işdən çıxarılıbBu gün, 14:49İlham Əliyev: Rəisi İran və Azərbaycan xalqının yaddaşında parlaq dövlət xadimi kimi qalacaqBu gün, 14:32Cavanşir yolötürücüsünün söküntüsü davam edirBu gün, 14:28Şəhid Əliyar Ələkbərov Keşlədəki Şəhidlər xiyabanında dəfn olunub - YENİLƏNİBBu gün, 14:19
Bütün xəbərlər