Maliyyə Nazirliyi: 2024-cü ildə də manatın məzənnəsi sabit qalacaq

2024-cü ildə də manatın məzənnəsi sabit qalacaq.

1news.az Maliyyə Nazirliyinə istinadla xəbər verir ki, makroiqtisadi sabitliyin qorunması məqsədilə fiskal və monetar siyasətlərin əlaqələndirilməsinin gücləndirilməsi milli valyutanın mübadilə məzənnəsinin cari ildəki kimi sabit qalmasını dəstəkləyəcəkdir.

İqtisadiyyat Nazirliyi tərəfindən təqdim olunmuş makroiqtisadi proqnozlarda 2024-2027-ci illər üzrə manatın ABŞ dollarına qarşı məzənnəsi 1,7 manat səviyyəsində götürülüb.