Bu gün dəfninə görə ermənilərin atəşkəs etdiyi tanınmış xanəndə Səxavət Məmmədovun doğum günüdür | 1news.az | Xəbərlər
Mədəniyyət

Bu gün dəfninə görə ermənilərin atəşkəs etdiyi tanınmış xanəndə Səxavət Məmmədovun doğum günüdür

13:49 - 23 / 10 / 2023
Bu gün dəfninə görə ermənilərin atəşkəs etdiyi tanınmış xanəndə Səxavət Məmmədovun doğum günüdür

İfaçılıq sənətində dinləyicinin, ümumən xalqın qəlbinə yol tapmaq, sevilmək, əbədiyaşarlıq qazanmaq heç də hamıya nəsib olan xoşbəxtlik deyil.

Bu, Tanrının sevib-seçdiyi insanların qismətidir. Belələri əzəldən ruhu, qanı, canı ilə sənətə bağlı olur, addımbaaddım irəliləyərək zirvələri fəth edirlər. Deyirlər ki, sənətkarı mühit, zaman yetişdirir. Əgər belə olmasaydı, ustadların yolu sonrakı nəsillərin yaradıcılığında öz davamını tapmazdı. Hər bir sənətkar özündən sonrakı nəslə bir örnəkdir. Bənzərsiz ifaçılığı ilə seçilən xanəndə Səxavət Məmmədov da belələrindən idi.

1news.az xəbər verir ki, bu gün tanınmış xanəndə, muğam ustası Səxavət Məmmədovun anadan olmasının 68-ci il dönümüdür.

Səxavət Məmmədov 1953-cü il oktyabrın 23-də Ağdam rayonunun Abdal-Gülablı kəndində dünyaya göz açıb. Uşaqlıq və gənclik illərindən “Segah” muğamına bağlı olan sənətkarın, oxuduğu mahnıların əksəriyyəti məhz "Segah" ladındadır. "Ay Bəri Bax", "Uca Dağlar", "Yar Bizə Qonaq Gələcək", "Ay Çiçək", "Sarı Bülbül", "Sona Bülbüllər" və s. Mərhum sənətkarın ən yaddaqalan ifalarından olan “Azad bir quşdum” mahnısıdır.

1971-ci ildə Asəf Zeynallı adına Musiqi Texnikumuna daxil olan Səxavət ustad xanəndə, Xalq artisti Hacıbaba Hüseynovdan muğamın sirlərini öyrənir. 1976-cı ildə “Hümayun” xalq ansamblının solisti olur. 1983-88-ci illərdə Dövlət İncəsənət İnstitutunda təhsil alan Səxavət Məmmədov Azərbaycan muğamını bir çox ölkələrdə təmsil edir. Yaratdığı “Qarabağ” instrumental ansamblı isə xanəndənin şah əsərlərindən biri kimi bu gün də yaşayır.

“Qarabağ” instrumental ansamblı Qarabağ hadisələrinin ilk illərində yaranıb. Cəmi 38 il ömür sürən Səxavət Məmmədov təkcə Qarabağı deyil, SSRİ-ni, Avropa ölkələrini gəzib dolanır, muğamımızla yanaşı, Azərbaycan həqiqətlərini də dünyaya çatdırır.

Bənzərsiz səsə malik xanəndə 1991-ci il sentyabrın 30-da avtomobil qəzasında dünyasını dəyişib. Ailə üzvlərinin sözlərinə görə, Səxavət Məmmədovun dəfn olunduğunu öyrənən ermənilər dəfnin sonuna qədər atəşkəs ediblər.

Paylaş:
304

Son xəbərlər

Qobuda sahibsiz itlərin hücum etdiyi azyaşlının vəziyyəti açıqlanıb - YENİLƏNİBBu gün, 12:58“AŞPA-da Azərbaycana qarşı qərəzli və çirkin kampaniya aparılır” – İlham ƏliyevBu gün, 12:54Prezident Bolqarıstan Xalq Məclisinin sədrini qəbul edib - YENİLƏNİBBu gün, 12:46Sabah 15 dərəcəyədək isti olacaq - ProqnozBu gün, 12:432 il əvvəl itkin düşmüş Abşeron rayon sakini qəsdən öldürülməsi müəyyən edilibBu gün, 12:21Dünya bazarlarında neft daha da bahalaşıbBu gün, 12:12Həvəsdən şəxsi biznesə: tovuzlu Vüsalə Əhmədova qadınların və uşaqların inkişafına necə kömək edir?Bu gün, 12:00Dövlət sərhədini pozmağa cəhd göstərən Əfqanıstan vətəndaşları saxlanılıbBu gün, 11:57Ali təhsil müəssisələrində təhsil alan əlilliyi olan şəxslərin sayı açıqlanıbBu gün, 11:54Nərimanov rayonu ərazisində oğurluq etməkdə şübhəli bilinən iki nəfər saxlanılıbBu gün, 11:44Əmtəə bazarlarında qızıl və gümüş ucuzlaşıbBu gün, 11:42Azərbaycan Ordusunda hərbi qulluqçuların maarifləndirilməsi üzrə keçirilən tədbirlər davam etdirilirBu gün, 11:24ZEEKR brendi artıq rəsmi olaraq Azərbaycanda!Bu gün, 11:15SN: Genetika piylənmənin əsas faktorlarından biridirBu gün, 11:06Xankəndidə narkotik vasitə və silah-sursat aşkar edilib - FOTOBu gün, 10:54“Qida təhlükəsizliyinə risk əsaslı dövlət nəzarətinin aparılması Qaydası” təsdiqlənibBu gün, 10:34Binəqədinın qaz təchizatında fasilə yaranacaqBu gün, 10:31Göyçayda ağır yol qəzası olub, ölənlər və yaralı varBu gün, 10:06“ROG Zephyrus G16 2024”: hər anı güc, üslub və universallıq vəd edən noutbuk – FOTOBu gün, 10:00Nyu-York birjasında təbii qazın qiyməti yenidən artıbBu gün, 09:52
Bütün xəbərlər