İsrail xaricdəki vətəndaşlarına: İsrail və yəhudi simvollarını açıq şəkildə göstərməyin

İsrail öz vətəndaşlarını xaricə səyahətlərini yenidən nəzərdən keçirməyə və səyahət zamanı İsrail və yəhudi simvollarını açıq şəkildə nümayiş etdirməkdən çəkinməyə çağırıb.

1news.az xəbər verir ki, Mövzu ilə bağlı İsrail Baş nazirliyi Milli Təhlükəsizlik Mərkəzi və İsrail Xarici İşlər Nazirliyi tərəfindən birgə yazılı açıqlama verilib.

İsrailin Qəzzaya hücumları səbəbiylə "İsraillilərə və yəhudilərə qarşı şiddət və antisemitizmin dünya səviyyəsində artdığı" ifadə edilən bəyanatda israillilərdən səfərləri zamanı ehtiyat tədbirlərini artırmaları istənilib.

Bəyanatda “nümayiş və etirazlardan uzaq olmaq, ayıq olmaq və ətrafda baş verənlərə diqqət yetirmək” tövsiyə edilib və israillilərdən “İsrail və yəhudi simvollarını açıq şəkildə nümayiş etdirməkdən çəkinmələri” istənilib.

“Milli Təhlükəsizlik Mərkəzi bu günlərdə xaricə səyahət tələbinə yenidən baxmağa çağırır”. Bəyanatda “səyahət xəbərdarlığı olan ölkələrə, xüsusilə ərəb ölkələri, Yaxın Şərq, Şimali Qafqaz və İrana qonşu olan ölkələrə səfərlərin təxirə salınması” tövsiyə edilib.