Azərbaycan millisi Canni De Byazi ilə yollarını ayırıb - YENİLƏNİB
Azərbaycan millisinin baş məşqçisi Canni De Byazi ilə yollar ayrılıb.
1news.az xəbər verir ki, "Report"un əldə etdiyi məlumata görə, italiyalı mütəxəssislə yeni müqavilə imzalanmayacaq.
Bu barədə qərar bu gün AFFA İcraiyyə Komitəsinin iclasında verilib.
Qeyd edək ki, Canni De Byazi 2020-ci ildən Azərbaycan millisinə rəhbərlik edib.
***
saat 11:17
Bu gün AFFA-nın İcraiyyə Komitəsinin fövqəladə iclası keçirilir.
1news.az Apasport.az-a istinadən xəbər verir ki, yığıncaq assosiasiyanın inzibatı binasında təşkil olunub.
Tədbir saat 10:00-da başlayıb. İclasın gündəliyinə duran yeganə məsələ Azərbaycan millisinin baş məşqçisi Canni de Byazi ilə bağlıdır.
İtaliyalı mütəxəssis İcraiyyə Komitəsinə hesabat verib. Müqaviləsi başa çatacaq de Byazinin anlaşmasının müddətinin artırılıb-artırılmama məsələsi müzakirə olunacaq. Onun taleyi ilə bağlı yekun qərar veriləcək.
Azərbaycan millisinin baş məşqçisi Canni De Byazi AFFA-nın İcraiyyə Komitəsinin fövqəladə iclasından erkən ayrılıb. 67 yaşlı mütəxəssis cəmi 10 dəqiqə toplantıda iştirak edib.
