Xankəndidə Qarabağ Universiteti yaradılır - SƏRƏNCAM | 1news.az | Xəbərlər
Rəsmi

Xankəndidə Qarabağ Universiteti yaradılır - SƏRƏNCAM

11:12 - 28 / 11 / 2023
Xankəndidə Qarabağ Universiteti yaradılır - SƏRƏNCAM

Xankəndi şəhərində Qarabağ Universiteti yaradılır.

1news.az xəbər verir ki, Prezident İlham Əliyev bununla bağlı Sərəncam imzalayıb.

Sərəncamda qeyd olunub ki, Azərbaycan Respublikası Prezidentinin 2022-ci il 16 noyabr tarixli 3587 nömrəli Sərəncamı ilə təsdiq edilmiş “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”na uyğun olaraq, işğaldan azad olunmuş ərazilərin yenidən qurulması, dayanıqlı inkişafı və həmin ərazilərdə yüksək həyat səviyyəsinin təminatı üçün genişmiqyaslı bərpa-quruculuq işləri həyata keçirilir.

Əhalinin dayanıqlı məskunlaşması və ərazilərin iqtisadi fəaliyyətə reinteqrasiyası istiqamətində müəyyənləşdirilmiş hədəflərin reallaşdırılmasında nəzərdə tutulan müasir yanaşmalar, o cümlədən qabaqcıl standartların, yüksək texnologiyaların tətbiqi və hər bir rayonun ixtisaslaşma sahəsinə müvafiq inkişafı yüksəkixtisaslı kadrların cəlb edilməsini şərtləndirir.

Qarabağ regionunda ali təhsil ənənəsi tarixən mövcud olmuşdur. Burada ilk ali təhsil ocağı 1969-cu ildə Azərbaycan Pedaqoji İnstitutunun filialı kimi qurulmuş, 1973-cü ildən 1988-ci ilədək ali təhsil müəssisəsi kimi fəaliyyət göstərmiş, ərazilərimizin işğalı dövründə isə fəaliyyətini dayandırmışdır.

İşğaldan azad edilmiş ərazilərin iqtisadi potensialı, aparılan bərpa-quruculuq işləri, eləcə də əmək bazarının tələbləri regionda yüksəkixtisaslı kadrların hazırlığını həyata keçirən ali təhsil müəssisəsinin təşkili zərurətini meydana çıxarmışdır.

Sərəncamla regionun sosial-iqtisadi ehtiyaclarına uyğun yüksəkixtisaslı kadr tələbatının ödənilməsi və tarixən mövcud olmuş təhsil ənənələrinin yaşadılması məqsədilə Xankəndi şəhərində yerləşən ali təhsil müəssisəsinin əsasında Azərbaycan Respublikası Elm və Təhsil Nazirliyinin tabeliyində “Qarabağ Universiteti” publik hüquqi şəxs yaradılır.

Nazirlər Kabinetinə iki ay müddətində universitetin nizamnaməsini təsdiq edib bu barədə Azərbaycan Respublikasının Prezidentinə məlumat vermək, universitetin fəaliyyətinin maliyyələşdirilməsi ilə bağlı zəruri tədbirlər görmək, universitetin Xankəndi şəhərində torpaq sahəsi, tədris və yataqxana binaları, idman meydançası və digər infrastruktur obyektləri ilə təminatı məsələlərini həll etmək, Sərəncamdan irəli gələn digər məsələləri həll etmək tapşırılıb.

Paylaş:
350

Son xəbərlər

Martda hava necə olacaq? - Aylıq proqnoz açıqlandıBu gün, 11:45Buzovnada qumbara tapıldı - FOTO - VİDEOBu gün, 11:41Komitə sədri sənədsiz ev problemindən danışdıBu gün, 11:24Aeroport yolunda qəza olub, sıxlıq yaranıbBu gün, 11:14Azərbaycanda xüsusi cəzaçəkmə müəssisəsinin yaradılması təklif olunurBu gün, 11:10İlham Əliyev Macarıstanın yeni dövlət başçısını təbrik edibBu gün, 11:09Keçən il 5 nəfər ağır xəstəliyə görə azadlığa çıxıbBu gün, 11:00Ruslan Pənahov Ermənistanda həbs edilibBu gün, 10:57MEDİA informasiya sistemlərini tam olaraq “Hökumət buludu”na köçürübBu gün, 10:50“Nikosayağı” kimi tanınan blogerə cəza istənilib - FOTOBu gün, 10:30Bankçılığın gələcəyi: Adi İnsanlar üçün İnqilabBu gün, 10:16Azərbaycan və Ermənistan xarici işlər nazirləri Berlində danışıqları bu gün davam etdirəcəkBu gün, 10:13Gəncədə yeni yol nişanları quraşdırılıb - FOTOBu gün, 10:12Qızıl və gümüş yenidən bahalaşıbBu gün, 10:11Bakıda NATO-nun Birgə Qüvvələr Komandanlığı tərəfindən “Hərbi tibb kursu” keçirilirBu gün, 10:05Mikayıl Cabbarov “Yutong Bus” şirkətinin nümayəndə heyəti ilə görüş keçirdiBu gün, 09:59Ötən gün vətəndaşlardan 15 silah götürülübBu gün, 09:44Beynəlxalq əmtəə, fond və valyuta bazarlarının göstəriciləriBu gün, 09:41Azərbaycan neftinin qiyməti 87 dollardan aşağı düşübBu gün, 09:34Azərbaycanda ilk dəfə Xankəndi - Bakı ultra marafonu başlayıb - VİDEOBu gün, 09:27
Bütün xəbərlər