Türkiyə və Ermənistan arasında sərhədlər nə zaman açılacaq? - Nazir açıqladı
“Türkiyə Azərbaycanın haqlı davasında yanında duraraq, Azərbaycanın ərazi bütövlüyünü dəstəklədi, bundan sonra da davam edəcək”
1news.az xəbər verir ki, bu barədə Türkiyə xarici işlər naziri Hakan Fidan Azərbaycan xarici işlər naziri Ceyhun Bayramovla birgə mətbuat konfransında çıxışı zamanı deyib.
Nazir deyib ki, bundan sonrakı dövr sülhlə regionda sabitliyin başlanğıcı olmalıdır.
“Türkiyə olaraq regionda qarşıdurmaya gərək qalmadığını düşünürük. Bundan sonrakı yol sülhlə davam etdirilməlidir. Azərbaycan və Ermənistan arasında normallaşma olduğu zaman Türkiyə ilə də Ermənistan arasında normallaşma olacaq” .
Nazir bildirib ki, bundan sonra Türkiyə ilə Ermənistan arasında sərhədlərin açılmasına baxıla bilər.
"Biz Ermənistanla münasibətlərin normallaşmasında heç bir problem görmürük. Azərbaycanla Ermənistan arasında sülhün imzalanmasından sonra regionda sabitlik əldə olunacaq”.
