Bakıda bıçaqlanmaya görə bir nəfər tutulub

Bakıda 3 gün əvvəl baş verən bıçaqlanmaya görə bir nəfər tutulub.

DİN-dən 1news.az-a verilən xəbərə görə, dekabrın 15-də Xətai rayonu ərazisindən bir nəfərin kəsilmiş-deşilmiş xəsarətlə xəstəxanaya gətirilməsi barədə polisə məlumat daxil olub.

Xətai RPİ 34-cü Polis Şöbəsi əməkdaşlarının keçirdikləri tədbirlərlə bu əməli törətməkdə şübhəli bilinən Bərdə rayon sakini Ə.Əmrahov müəyyən olunaraq saxlanılıb.
Araşdırma aparılır.