Prokurorluq orqanlarında rəhbər vəzifədə işləyən qadınların sayı açıqlanıb
Azərbaycanda prokurorluq orqanlarında 10 qadın işçidən 1-i idarə rəisi, 3-ü idarə rəisinin müavini, 1-i şöbə rəisi, 4-ü rayon prokuroru, 1-i isə rayon prokurorunun müavini vəzifəsində işləyir.
1news.az xəbər verir ki, bu barədə Baş prokuror Kamran Əliyev prokurorluq orqanlarına qulluğa yeni qəbul olunmuş gənclərin andiçmə mərasimində bildirib.
Onun sözlərinə görə, prokurorluq orqanlarında 94 qadın əməkdaş çalışır: "Onların 54-ü 2002-2019-cu il ərzində keçirilmiş 21 müsabiqə nəticəsində, 40-ı isə 2020-2023-cü ildə keçirilmiş 4 müsabiqənin nəticəsində işə qəbul edilib. Müsabiqə yolu ilə işə qəbul edilmiş şəxslərin 9,3%-ni faizini qadınlar təşkil edir. Hazırda rəhbər vəzifədə işləyən 10 qadın işçidən 1-i idarə rəisi, 3-ü idarə rəisinin müavini, 1-i şöbə rəisi, 4-ü rayon prokuroru, 1-i isə rayon prokurorunun müavini vəzifəsində işləyir".
