“Tripadvisor”da Bakı dünyanın ən yaxşı qida məkanlarından biri oldu - SİYAHI
2023-cü il üzrə dünyanın ən yaxşı qida məkanlarının adları məlum olub.
1news.az xəbər verir ki, tanınmış səyahət platforması “Tripadvisor”da 2023-cü il ərzində turistlər arasında qida məkanları ilə bağlı səsvermə keçirilib. Nəticələrə əsasən, Bakı şəhəri dünya miqyasında qida məkanları siyahısında 13-cü yeri tutub.
Siyahıda 1-ci yerə Vietnamın paytaxtı Hanoi, ikinci yerə İtaliyanın paytaxtı Roma şəhəri, üçüncü yerə isə Yunanıstanın Kreta şəhəri layiq görülüb.
Qeyd edək ki, siyahı sayt istifadəçilərinin rəy və fikirlərinə əsaslanır və minlərlə şəhərin arasından qida məhsullarının əlçatanlığına görə 25 şəhər “Best of the Best” mükafatına layiq görülür.
“Tripadvisor” turistlər üçün maraqlı məkanları, ən yaxşı otelləri, yemək üçün uyğun restoranları tövsiyə edir. Platformanın 8 milyonluq siyahısının cəmi 1%-dən az hissəsi “Best of the Best” mükafatına layiq görülür ki, bu da səyahətdə ən yüksək mükəmməllik səviyyəsini göstərir.
