“Sehirli xalat”ın Rəşidi vəfat edib
“Sehirli Xalat” filmindəki Rəşid obrazını yaradan aktyor Azər Qurbanov vəfat edib.
1news.az xəbər verir ki, bu barədə əməkdar mədəniyyət işçisi Yusif Şeyxov məlumat verib. O bildirib ki, aktyor bir müddət əvvəl ağır xəstəlikdən sonra dünyasını dəyişib.
Qeyd edək ki, əslən Gəncə şəhərindən olan Azər Qurbanov 1955-ci ildə Balakən rayonunda anadan olub. Orta təhsilini Bakıda Nərimanov prospektində yerləşən 225 saylı orta məktəbdə rus dilində alıb.
Sovet dövrünün uşaqlarının pərəstiş etdiyi əfsanəvi aktyor 1992-ci ildən ABŞ-ın Nyu-Cersi ştatının Şort-Hills şəhərciyində yaşayırdı.
Aktyor hələ 1957-ci ildə - 7 yaşında "Bir məhəllədən iki nəfər" filmində debüt edib. Daha sonra "Əcnəbi qız" (1965), "Bizim oynadığımız dənizdə" (1967), ilk sovet-yuqoslav birgə filmi olan "Mavi quş, yolun açıq olsun" (1967) filmlərində rol alıb.
Amma qeyd etməliyik ki, aktyorun ən yaddaqalan rolu "Sehrli xalat" (1964) filmindəki pioner Rəşid obrazı olub.
