Beynəlxalq Ədalət Məhkəməsi İsrailə qarşı qaldırılan soyqırım iddiası üzrə qərarını açıqlayıb
Beynəlxalq Ədalət Məhkəməsi (BƏM) Cənubi Afrika Respublikasının (CAR) İsrailə qarşı qaldırdığı soyqırımı iddiası üzrə müvəqqəti qərarını açıqlayıb.
1news.az Anadolu Agentliyinə istinadən xəbər verir ki, Ədalət Məhkəməsi İsrailə qarşı irəli sürülən iddiaların (soyqırım işində) “ağlabatan səviyyədə” sübuta yetirildiyinə qərar verib.
Beynəlxalq Ədalət Məhkəməsi Qəzzada baş verən humanitar faciədən xəbərdar olduğunu və insanların itkisindən dərin narahat olduğunu bildirib.
Məhkəmə İsrailin Soyqırım Konvensiyasından irəli gələn bəzi öhdəliklərini pozduğuna görə ona qarşı müvəqqəti tədbirlər görmək səlahiyyətinə malik olduğuna qərar verib.
Bəyan edilib ki, İsrailin hücumlarına məruz qalan qəzzalılar Soyqırım Konvensiyasının 2-ci maddəsindəki “qorunan qrup” anlayışına uyğundur.
Beynəlxalq Ədalət Məhkəməsi (soyqırım işində) Qəzzadakı fəlakətli humanitar vəziyyətin "birbaşa təhlükə" təşkil etdiyinə qərar verib və bu, əmr tələb edir.
BƏM İsraildən Qəzza zolağında soyqırımı törədilməsinin qarşısını almaq üçün bütün tədbirləri görməsini tələb edib.
Bununla belə, məhkəmə CAR-ın dərhal atəşkəs tətbiq edilməsi istəyi ilə razılaşmayıb.
Qeyd edək ki, BƏM-in qərarı müvəqqəti xarakter daşıyır və iş üzrə yekun qərarın qəbul edilməsi bir neçə il çəkə bilər.
Xatırladaq ki, bir müddət əvvəl Beynəlxalq Ədalət Məhkəməsi Cənubi Afrika Respublikasının Qəzzada müharibə aparmasına görə, İsrailə qarşı qaldırdığı soyqırımı iddiasına baxmağa başlayıb.
