MDB-nin baş katibi: “Seçkilər azad, şəffaf, demokratik şəkildə həyata keçirildi”
“Sizlərə səriştəli şəkildə keçirdiyiniz seçkilərə görə təşəkkür edirəm”.
1news.az xəbər verir ki, bunu seçkilərin nəticələrinə həsr olunmuş brifinqdə MDB-nin Baş katibi və təşkilatın müşahidə missiyasının rəhbəri Sergey Lebedov deyib.
O, bildirib ki, ilk növbədə seçkilərin yüksək səviyyədə təşkil edilməsini, növbəliliyi, fəallığı müşahidə etdik.
“Növbədənkənar prezident seçkiləri yüksək səviyyədə keçirildi. Seçkilərdə iştirak edən əməkdaşlar əvvəlcədən təlimlərə cəlb edilmişdilər. İnsanların seçki ilə bağlı əhvalı yüksək səviyyədə idi. Bunu seçicilərlə söhbətlərimdə müşahidə etdim. Həyata keçilmiş seçkilər rəqabətə davamlı idi, namizədlər üçün bütün şərait yaradılmışdı. Azərbaycanda keçirilən seçkilər təqdirəlayiqdir. Seçkilər azad, şəffaf, demokratik şəkildə həyata keçirildi”.
