Türkiyənin ilk kosmonavtı Yerə enib - Karantində saxlanılacaq

Türkiyənin ilk kosmonavtı Alper Gezeravcı Yerə enib.

1news.az Türkiyə KİV-lərinə istinadən xəbər verir ki, Alper Gezeravcı Beynəlxalq Kosmik Stansiyanı 48 saat əvvəl tərk edib. Gezeravcını daşıyan kapsul saat 16:29-da Florida sahillərində dənizə düşüb. Saat 16:35-də kapsula qayıqla yaxınlaşıblar.

Gezeravcı kapsulun düşdüyü yerdən dənizdən gəmiyə aparılacaq və ilk müayinələri aparılacaq. Gezeravcı və komandası Hyustonda hərtərəfli sağlamlıq müayinəsindən keçəcək və bir müddət karantində saxlanılacaq

Qeyd edək ki, A.Gezeravcının kosmosa səyahəti yanvarın 19-da başlayıb. O, bir sıra təcrübələr həyata keçirib.

Kosmonavtın dünyaya qayıdışı əlverişsiz hava şəraiti səbəbindən indiyədək üç dəfə təxirə salınıb.