Mikayıl Cabbarov: “Azərbaycan iqtisadiyyatı 2024-cü ilə yüksək göstəricilərlə başlayıb”
“ Azərbaycan iqtisadiyyatı 2024-cü ilə yüksək göstəricilərlə başlayıb”
1news.az xəbər verir ki, bunu iqtisadiyyat nazirinin səlahiyyətlərini icra edən Mikayıl Cabbarov bu gün keçirilən “Vergi sistemi yeni inkişaf dövründə: davamlı iqtisadiyyat üçün strateji hədəflər” adlı Forumda deyib.
“Ölkəmizdə neft-qaz hasilatının proqnozlaşdırılandan enməsi, dünya bazarlarında qiymətlərin aşağı düşməsi fonunda ÜDM-in nominal həcminə təsirlər təbii və gözlənilən idi” .
"Buna baxmayaraq, biz prosesə hazır idik” - deyə Cabbarov əlavə edib:
“ Son illər qeyri-neft-qaz sektorunda aparılan islahatlar və dəstək tədbirləri bu gün iqtisadi artımın dayanıqlığını təmin edir. 2023-cü ildə qeyri-neft-qaz sektoru 3,7% artım dinamikasına malik olub".
