İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub | 1news.az | Xəbərlər
Cəmiyyət

İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub

Qafar Ağayev15:43 - 23 / 02 / 2024
İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub

2021-2023-cü illər ərzində eşitmə qabiliyyətinin bərpası üçün 317 nəfər icbari tibbi sığorta hesabına koxlear implantasiya əməliyyatı olunub. Əməliyyat olunanların 282-ni uşaq, 35-ni isə böyüklər təşkil edib.

1news.az xəbər verir ki, İcbari Tibbi Sığorta üzrə Dövlət Agentliyinin Marketinq və ictimaiyyətlə əlaqələr departamentinin rəhbəri Aynurə Əhmədova icbari tibbi sığorta ilə aparılan koxlear implantasiya əməliyyatlarının insanların sağlamlığına müsbət təsirindən danışıb. O, bildirib ki, icbari tibbi sığorta əməliyyat olunmuş şəxslərin eşitmə qabiliyyətinin tam bərpasını təmin edərək onları ömürlük əlillikdən xilas edir.

“İcbari tibbi sığorta ilə koxlear implantasiya daha çox eşitmə azlığı və ya eşitmə itkisi ilə doğulmuş uşaqlarda icra olunub. Bu əməliyyat sayəsində insanların eşitmə qabiliyyəti, nitq qavraması yaxşılaşır, nəticədə onların ailə üzvləri, dostları ilə ünsiyyəti asanlaşır. Ətrafdakı insanlarla dialoqa girə bilmək onlarda özgüvənliyi artırır. Bu da təbii ki, onların peşəkar imkanlarını əhəmiyyətli dərəcədə genişləndirir, karyera və şəxsi həyatda uğur qazanmaqla nəticələnir. Bütün bunlar nəzərə alınaraq keçən ildən koxlear implantasiyaya tətbiq edilən say limiti ləğv olunub”, -deyə departament rəhbəri məlumat verib.

Qeyd edək ki, diaqnozun təyini məqsədilə icbari tibbi sığorta hesabına Bera test, KT və MRT müayinələri aparılır. Əməliyyat zamanı istifadə olunan dərman və tibbi sərf, koxlear implant sistemi, nitq prosessoru və əməliyyatdan sonra cihazda səsin tənzimlənməsi, habelə reabilitasiya dövrü zamanı ətraf mühitə adaptasiya üçün loqoped və psixoloq xidməti vətəndaşlara icbari tibbi sığorta ilə ödənişsiz göstərilir.

Loqoped xidmətinə uşaqların eşitmə qavrayışı, nitqin, ünsiyyət qurma bacarığının inkişaf etdirilməsi, səs-tələffüz, oxu və yazı kimi pozulmaların aradan qaldırılması istiqamətində təlimlərin həyata keçirilməsi aiddir. Psixoloq xidmətinə isə uşağın mövcud olduğu mühiti, azyaşlının təfəkkürünün və qavramasının inkişafı, davranış pozuntusunun aradan qaldırılması üzrə fəaliyyət istiqamətləri aiddir.

İcbari tibbi sığorta hesabına koxlear implantasiya əməliyyatı göndəriş vərəqəsi əsasında agentliklə müqaviləsi olan özəl tibb müəssisəsində icra olunur. Xidmətdən istifadə etmək üçün müvafiq müayinələrin aparılması, diaqnozun təyini və əməliyyat üçün özəl tibb müəssisəsinə göndəriş vərəqəsinin verilməsi məqsədilə ilkin olaraq TƏBİB-in tabeliyindəki istənilən dövlət tibb müəssisəsinə və ya Səhiyyə Nazirliyinin 9 elmi-tədqiqat institutuna şəxsiyyət vəsiqəsi ilə müraciət etmək kifayətdir.

Paylaş:
129

Son xəbərlər

Qərbi Azərbaycan İcması: G7-nin açıq-aşkar ayrı-seçkiliyə yol verməsi insan hüquqlarına ziddir19 / 04 / 2024, 21:01"Uğur yolu" karyera inkişafı proqramının final mərhələsi keçirilib - FOTO19 / 04 / 2024, 19:10Aydın İdarəçi və Sənayeçi İş adamları Dərnəyi MÜSİAD Azərbaycanı ziyarət edib - FOTO19 / 04 / 2024, 19:00Bu ilin I rübündə törədilən cinayətlərin 85 faizi açılıb19 / 04 / 2024, 17:53“DOST EVİ”nə ilk benefisiarların qəbulu aparılıb19 / 04 / 2024, 17:47Milli Müdafiə Universitetinin tabeliyində fəaliyyət göstərən xüsusi təyinatlı təhsil müəssisələrinə qəbul davam edir - VİDEO19 / 04 / 2024, 17:42FHN əməliyyat görüntüləri yayıb - VİDEO19 / 04 / 2024, 17:39Azərbaycan və Ermənistan razılaşdırılmış hissələrdə öz sərhəd xidmətlərini eyni vaxtda və paralel yerləşdirəcək19 / 04 / 2024, 17:29Qazaxın 4 kəndinin qaytarılması razılaşdırılıb19 / 04 / 2024, 17:18Azərbaycan-Ermənistan delimitasiya komissiyasının iclası keçirilib - TƏFƏRRÜAT19 / 04 / 2024, 17:17Azərbaycan Prezidenti Berlində Almaniya Kansleri ilə görüşəcək19 / 04 / 2024, 17:15“Global Finance” Kapital Bank-ı “Süni intellektin rəqəmsal transformasiyada ən yaxşı istifadəsi” mükafatına layiq görüb19 / 04 / 2024, 17:01Xınalığa dolu düşüb - FAKTİKİ HAVA19 / 04 / 2024, 16:51İlham Əliyev və Putin Moskvada görüşəcəklər19 / 04 / 2024, 16:43“McDonald's”ın köhnə Nəsimi bazarının yerində yeni restoranı açılıb - FOTO19 / 04 / 2024, 16:42Tovuzda 22 yaşlı oğlan qadının üzərinə benzin tökərək yandırıb - YENİLƏNİB19 / 04 / 2024, 16:36Binəqədidə yanğında 1 nəfər xəsarət alıb19 / 04 / 2024, 16:15“PAŞA Holding”in təşkilatçılığı ilə növbəti “INMerge İnnovasiya Sammiti” keçiriləcək19 / 04 / 2024, 15:54AZAL Avropa Beynəlxalq Hava Limanları Şurasına üzv olub19 / 04 / 2024, 15:50BŞTİ Bakı Fransız Liseyində təhsil alanların valideynlərinə müraciət edib19 / 04 / 2024, 15:45
Bütün xəbərlər