Hakan Fidan: Cənubi Qafqazda sülhün bərpası regional və qlobal əhəmiyyətlidir
“Ölkələr arasında əməkdaşlığı irəli aparmaq üçün lazımi müzakirələr aparılıb”.
1news.az xəbər verir ki, bunu Türkiyənin xarici işlər naziri Hakan Fidan Bakıda keçirilən Azərbaycan, Gürcüstan və Türkiyənin xarici işlər nazirlərinin 9-cu üçtərəfli görüşünün nəticələrinə dair mətbuat üçün brifinq zamanı deyib.
Nazir bildirib ki, ötən 4 il ərzində beynəlxalq və regional böhranlar olub.
Eyni zamanda bölgəmizdə müsbət irəliləyişlər də olub.
“Bu illər ərzində Azərbaycan özünün ərazi bütövlüyünü bərpa edib. Gürcüstan Avropa İttifaqı üzvlüyünə namizəd olub”, - XİN rəhbəri vurğulayıb.
Hakan Fidan qeyd edib ki, "Biz hər bir məsələdə əlimizdən gəlməyi etməyə hazırıq".
"Cənubi Qafqazda sülhün bərpası regional və qlobal əhəmiyyətlidir. Bu mənada, Zəngəzur xəttinin açılmasına ümumi dəstəyi gözləyirik", - Hakan Fidan qeyd edib.
