AZAL Avropa Beynəlxalq Hava Limanları Şurasına üzv olub | 1news.az | Xəbərlər
İqtisadiyyat

AZAL Avropa Beynəlxalq Hava Limanları Şurasına üzv olub

Qafar Ağayev15:50 - 19 / 04 / 2024
AZAL Avropa Beynəlxalq Hava Limanları Şurasına üzv olub

Heydər Əliyev Beynəlxalq Aeroportu hava limanları operatorlarının yeganə qlobal təşkilatı olan Avropa Beynəlxalq Hava Limanları Şurasının (Airports Council International, ACI Europe) sıralarına qoşulub.

1news.az bu barədə aeroporta istinadən xəbər verir.

Məlumata görə, bununla yanaşı Gəncə Beynəlxalq hava limanı da şuraya üzv seçilib.

Azərbaycan Mülki Aviasiyası üçün əlamətdar hadisə “Azərbaycan Hava Yolları” QSC-nin prezidenti Samir Rzayev və ACI World təşkilatının baş icraçı direktoru Luis Felipe de Oliveyranın iştirakı ilə dünya səviyyəli hava limanı konfransı və sərgisi olan "Passenger Terminal Expo 2024" çərçivəsində keçirilib. Görüşdə rəsmi olaraq ACI Europe-a üzvlük sertifikatı təqdim olunub. Aeroport xidmətlərinin keyfiyyətinin və sərnişin təcrübəsinin yüksəldilməsi üçün əməkdaşlığın vacibliyi vurğulanıb.

“Avropa Beynəlxalq Hava Limanları Şurasına qoşulmaq bizim üçün yeni üfüqlər açan əlamətdar hadisə olmaqla yanaşı, inkişaf və təkmilləşmə istiqamətində mühüm addımdır. Bu, bizə xidmət keyfiyyətini daha da yaxşılaşdırmaq, qabaqcıl təcrübələri tətbiq etmək və qlobal aviasiya arenasında mövqeyimizi gücləndirmək imkanı verəcək”, - deyə S.Rzayev bildirib.

“ACI Avropa Şurası tərəfindən təmsil olunan ümumavropa hava limanı ictimaiyyəti adından Azərbaycanın paytaxtı Bakıya xidmət göstərən əsas qapısı olan Heydər Əliyev Beynəlxalq Aeroportuna səmimi salamlarımı çatdırmaq istərdim. Dayanıqlılıq və karbonsizləşdirmə, maliyyə və əməliyyat dayanıqlığı və xidmət göstərdiyimiz icmalar üçün rəqabətədavamlı əlaqələrin inkişaf etdirilməsi də daxil olmaqla, sənaye üçün vacib məsələlər üzrə hava limanı ilə yaxından işləməyi səbirsizliklə gözləyirəm”, - Beynəlxalq Hava Limanları Şurasının (ACI Avropa) baş direktoru Olivye Yankovets bildirib.

Qeyd edək ki, ACI Europe qabaqcıl təcrübələrin bölüşdürülməsində, konfransların və sərgilərin təşkilində, hava limanlarında innovasiyaların və texnoloji yeniliklərin təşviqində mühüm rol oynayır. Azərbaycanın aeroportlarının Hava Limanları Şurasına qoşulması dünya hava limanları ilə fəal əməkdaşlıq üçün unikal imkanlar açır, o cümlədən qlobal aviasiya siyasətinin və qanunvericiliyin inkişafına töhfə verir. Həmçinin, Bakı və Gəncə aeroportları hava limanlarının təkmilləşdirilməsi, ötürmə qabiliyyətinin artırılması, menecerlərin peşəkar akkreditasiyası və müştərilərə xidmət üzrə akkreditasiya proqramlarında iştirak hüququ əldə edəcəklər.

Dünyanın 1925 aeroportunun kollektiv mövqeyini təmsil edən ACI Beynəlxalq Mülki Aviasiya Təşkilatı (ICAO), Beynəlxalq Hava Nəqliyyatı Assosiasiyası (IATA), Mülki Hava Naviqasiya Xidmətləri Təşkilatı (CANSO), Avropa Hava Naviqasiyasının Təhlükəsizliyi Təşkilatı (Eurocontrol) və aviasiya sənayesinin digər əsas oyunçuları ilə də əməkdaşlıq edir.

Paylaş:
151

Son xəbərlər

Kuba XİN: Azərbaycanla əməkdaşlığı dərinləşdirməyə hazırıqBu gün, 18:08Şəmkir su anbarında batan kişinin meyiti tapılıbBu gün, 17:50Ağdam rayonunun Şotlanlı kəndinin təməli qoyulub - YENİLƏNİBBu gün, 17:28Müstəqillik Günü münasibətilə Azərbaycan Ordusunda silsilə tədbirlər keçirilibBu gün, 17:07Ərdoğan Azərbaycanı Müstəqillik Günü münasibətilə təbrik edibBu gün, 16:44Hakan Fidan Azərbaycan xalqını təbrik edibBu gün, 16:17ICESCO Azərbaycanı Müstəqillik Günü münasibətilə təbrik edibBu gün, 15:57Prezident və birinci xanım Xocalıda 15 çoxmənzilli binada təmir və yenidənqurmadan sonra yaradılan şəraitlə tanış olublar - YENİLƏNİBBu gün, 15:42Qızıl və gümüş bahalaşıbBu gün, 15:13Macarıstan Prezidenti Azərbaycan dövlət başçısını təbrik edibBu gün, 15:02İranın Bakıdakı səfirliyi Azərbaycan xalqını təbrik edibBu gün, 14:54Bakının Nardaran bağ massivində su kəsiləcəkBu gün, 14:50Özbəkistan XİN Azərbaycanı Müstəqillik Günü münasibətilə təbrik edibBu gün, 14:33İlham Əliyev və Mehriban Əliyeva Xocalı şəhərinə köçən sakinlərlə görüşüblərBu gün, 14:26İlham Əliyev Ağdam rayonunun Nəmirli kəndinin təməlini qoyub - YENİLƏNİBBu gün, 14:20Ağdam rayonunun Güllücə kəndinin təməli qoyulub - YENİLƏNİBBu gün, 14:17Prezident İlham Əliyev Ağdam rayonunun Tağıbəyli kəndinin təməlini qoyub - YENİLƏNİBBu gün, 14:13Keçmişə nostalji dolu səyahət - Azərbaycan Dəmiryol Muzeyindən VİDEOREPORTAJBu gün, 14:00Bakıda 4 min manatlıq lotoreya biletlərini oğurlayan şəxs saxlanılıbBu gün, 13:59XİN: Ermənistanın yerləşdirdiyi minalar azərbaycanlıları öldürməyə və şikəst etməyə davam edirBu gün, 13:55
Bütün xəbərlər