Azərbaycan basketbol millisi ikinci oyununda da qalib gəlib

Azərbaycanın kişilərdən ibarət 3x3 basketbol yığması Avropa Kubokunun təsnifat mərhələsində ikinci oyununa çıxıb.

1news.az xəbər verir ki, Kosovonun paytaxtı Priştina şəhərində təşkil olunan mərhələdə yığma bu dəfə ev sahibi komanda ilə qarşılaşıb. Görüş millimizin 14:10 hesablı qələbəsi ilə yekunlaşıb.

Yığma ilk görüşdə Ermənistana 21:9 hesabı ilə qalib gəlib.

Komandamız bu gün daha iki matç keçirəcək. Yığma Bakı vaxtı ilə saat 19:40-da Kiprlə, 23:45-də isə Albaniya ilə qarşılaşacaq.

Azərbaycanın qadınlardan ibarət 3x3 basketbol millisi isə ilk görüşündə bu gün Malta ilə üz-üzə gələcək. Qarşılaşma Bakı vaxtı ilə saat 17:50-də başlayacaq. Yığma saat 23:20-də isə Lüksemburqla münasibətlərinə aydınlıq gətirəcək.