Bu il əməkhaqqı fondunda daha 5,1 faiz artım olub

Əmək müqavilələrinin sayı 33 min artaraq 1 milyon 841 min 479-a çatıb.

Əmək və Əhalinin Sosial Müdafiəsi Nazirliyindən 1news.az-a verilən xəbərə görə, bu ilin yanvar-iyul ayları ərzində ölkəmizdə əmək müqavilələrinin sayı 33 min və ya 1,8 faiz artaraq 1 mln. 841 min 479-a çatıb.

Əməkhaqqı islahatları, əmək müqavilələrinin sayında artım əməkhaqqı fondunda da davamlı artımla nəticələnir.

Cari ilin 7 ayında əməkhaqqı fondunda daha 5,1 faiz artım qeydə alınıb.