Dünya 2024-cü ildə ən isti yayını yaşadı - REKORD

Avropa İttifaqının (Aİ) “Copernicus” peyk nəzarət sistemi, 2024-cü ilin yayının dünya üzrə "ən isti yay" olaraq qeydə alındığını açıqlayıb.

1news.az Anadolu Agentliyinə istinadən xəbər verir ki, 2024-cü il avqust ayı, 1991-2020-cı il ortalamasından 0,71 dərəcə yüksək olaraq qlobal miqyasda ən isti avqust oldu.

2024-cü ilin iyun-avqust aylarında temperatur 1991-2020-ci il ortalamasını 0,69 dərəcə keçdi və bununla da, bu yay "ən isti yay" kimi tarixə düşdü.

Qeyd olunub ki, Avropada temperatur ortalaması 1,54 dərəcə yüksələrək 2022-dəki rekordu keçdi.

Avropada bəzi yerlərdə ortalamadan aşağı temperatur və yağıntı olsa da, ümumilikdə cənub və şərqdə istiliklər daha yüksək olub. Qlobal olaraq isə Antarktikanın şərqi, Texas, Kanada və Afrikanın şimal-şərqində temperatur ortalamadan yüksək olaraq qeydə alınıb.

Copernicus İqlim Dəyişikliyi Xidmətinin müavini Samantha Burgess, bu rekordların davam etməsinin 2024-cü ilin "ən isti il" olma ehtimalını artırdığını vurğuladı və istixana qazlarının azalmasının vacibliyini qeyd etdi.