Dubay mövsümün turizm trendlərini təqdim etdi - FOTO

Müasir Dubay — daim inkişaf edən və səyahət anlayışını yenidən düşünən bir şəhərdir.

Burada ənənələr yeni ideyalarla qovuşur və hər bir qonaq özünəməxsus bir şey tapır: qastronomik kəşflər, wellness-retritlər, idman fəaliyyətləri və ya şüurlu alış-veriş. Dubay ilham verir, təəccübləndirir və müasir turizmin ritmini müəyyən edir, mənalı və yaddaqalan səyahətlər təklif edir.

Vintaj səyahət: tarixi olan şüurlu alış-veriş

Ekoloji dəbli olmaq getdikcə daha da populyarlaşır və Dubayda vintaj üslubu sadəcə bir trend deyil, əsl sənətə çevrilir. Vintaj dəbdəbədən tutmuş gündəlik tərzə qədər – Dubay sübut edir ki, davamlı moda yalnız şüurlu deyil, həm də inanılmaz dərəcədə dəbli ola bilər.

Raketka ilə bum: padel, picklbol və badminton Dubayı fəth edir

Dinamik raketka idman növləri sürətlə Dubayı fəth edir və aktiv istirahəti həyəcanlı yarışmaya çevirir. Burj Khalifa yaxınlığındakı Ballers padel üçün yüksək səviyyəli kortlar təqdim edir, PadelX isə şəhərdəki ilk üzən meydançası ilə təəssürat yaradır. Badminton da Dubayda yeni səviyyəyə qalxır — Yonex Pioneers Badminton Hub-da klassik oyun neon kortlar və işıqlı toplar sayəsində futuristik görkəm alır.

Kitab və qəhvə: Dubayın ədəbi oazisləri
Dubay kitabsevərlər üçün yeni bir səhifə açır – zəngin ədəbiyyat kolleksiyalarını və rahat kafeləri bir araya gətirir. Dubai Mall-dakı Books Kinokuniya, Festival City-dəki Booktopia və Cümeyra’dakı Magrudy’s-də müasir bestsellerlərdən tutmuş nadir nəşrlərə qədər hər zövqə uyğun əsərlər tapmaq mümkündür.

Bilgi dünyasına dərindən baş vurmaq istəyənlər üçün Məhəmməd bin Rəşid Kitabxanası sadəcə ən böyük ədəbi mərkəz deyil, həm də oxucular və tədqiqatçılar üçün zəngin kolleksiyaları və müasir imkanları birləşdirən əsl xəzinədir.

Art Dubai 2025: sərhədsiz incəsənət
18–20 aprel tarixlərində Art Dubai 2025 yenidən Madinat Jumeirah-ı dünya incəsənətinin mərkəzinə çevirəcək və müasir, klassik və rəqəmsal incəsənəti təmsil edən 120-dən çox aparıcı qalereyanı bir araya gətirəcək.

Bu ilin əsas hadisələri arasında – BƏƏ-lı rəssam Məhəmməd Kazemin innovativ rəqəmsal instalyasiyası, Hektor Zamoranın immersiv performansları və eksperimental Hybrid Xperience layihələri yer alır. Art Dubai 2025 təkcə bir sərgi deyil, həm də yaradıcılıq və incəsənətin inklüziv bayramı olacaq.

Dubayda wellness: bədən və ruh üçün istirahət
Dubay — təkcə dəbdəbəli otellər və heyranedici görməli yerlər deyil, həm də sağlamlıq və harmoniya qayğısının yeni səviyyəyə çatdığı qlobal wellness mərkəzidir. Şəhər ənənəvi və müasir metodların vəhdətində unikal sağlamlıq proqramları təklif edir. İstər rahatlama, istər bərpa, istərsə də aktiv istirahət axtarışında olun — Dubay özünə qulluq üçün ideal şərait yaradır.

Fotogenik Dubay: valehedici kadrlar
Dubay — hər küncü ilə təsirli şəkillər üçün yaradılmış bir şəhərdir. Jumeirah çimərliyindəki qızılı gün batımı, Burj Khalifa-nın panoramik mənzərələri və Gələcəyin Muzeyinin futuristik memarlığı burada mükəmməl kadrlar üçün ilham mənbəyidir. Alserkal Avenue-dəki parlaq qrafitilər, köhnə şəhərin atmosferli bazarları və The Palm-dan açılan nəfəskəsici mənzərələr Dubayı fotoqraflar və kontent yaradıcıları üçün tükənməz vizual ilham mənbəyinə çevirir.

Ekstremal Dubay: cəsarətlilər üçün nəfəskəsən macəralar
Güclü hisslər axtaranlar üçün Dubay ekstremal macəralar üçün ideal məkandır. Skydive Dubai Palm Jumeirah adasının mənzərəsi fonunda sərbəst düşmə təcrübəsini unudulmaz edir. XLine Dubai Marina isə dünyadakı ən uzun şəhər zipline marşrutu ilə göydələnlər arasında 80 km/saat sürətlə uçuş imkanı verir.
Adi sərhədləri aşmağa hazır olanlar üçün Sky Views Dubai-də Edge Walk — 219 metr hündürlükdə, heç bir qoruyucu maneə olmadan platforma üzərində gəzinti təklif edir. Yalnız külək, ayaqlar altındakı panoram və adrenalin. Səhrada jeep-safari səhranın qumlu təpələri üzərində həyəcanlı bir atraksiona çevrilir. Peşəkar sürücülər kəskin eniş və döngələri ustalıqla keçir, bu da qum üzərində əsl “roller coaster” effekti yaradır. Dəniz dərinliklərini sevənləri isə Deep Dive Dubai gözləyir – dünyanın ən dərin qapalı hovuzu. 60 metrlik dərinlikdə sirli batmış bir şəhər yerləşir – macəra və kəşf dolu. Dubayda adrenalin hər addımda sizi gözləyir.

Qastronomik səyahət və vegan Dubay
Dubayın kulinariya səhnəsi — ənənəvi reseptlərlə avanqard gastronomiyanın ahəngli vəhdətidir. Əmirlik mətbəxi ilə tanış olmaq üçün tarixi Al Fahidi rayonuna baş çəkmək olar — burada sakit həyətli kafelərdə autentik yeməklər təqdim olunur.

Dubay — şüurlu qidalanma seçənlər üçün əla istiqamətdir. Şəhərdə çoxsaylı restoranlar fəaliyyət göstərir ki, burada vegan mətbəxi kulinariya yenilikləri və təbiətə qayğı ilə birləşir.

Dubay — heç vaxt yerində dayanmayan bir şəhərdir. Buraya hər səfər — yeni bir şey kəşf etmək fürsətidir: qeyri-adi yeməklər dadmaq, unudulmaz hisslər yaşamaq, tam rahatlıq anlarından zövq almaq və ya meqapolisin enerjisi ilə dolmaq. Bu elə bir yerdir ki, hər səyahət parlaq bir xatirəyə çevrilir.