Gəncədə yol qəzası baş verib, xəsarət alanlar var - FOTO

Gəncədə yol qəzası baş verib.

1news.az “Qafqazinfo”ya istinadən xəbər verir ki, hadisə Gəncə-Samux avtomobil yolunun Gəncə şəhərindən keçən hissəsində qeydə alınıb.

“KİA” markalı avtomobil “VAZ 2107” markalı maşınla toqquşub. İlkin məlumata görə, qəza zamanı 3 nəfər xəsarət alıb. Yaralılar xəstəxanalardan birinə yerləşdirilib.

Hadisə yerinə yol polisi əməkdaşları cəlb olunub.

Faktla bağlı araşdırma başlanılıb.