Binəqədidə emalatxanada 44 yaşlı kişinin meyiti tapılıb

Bakıda usta işlədiyi emalatxanada ölüb.

1news.az “Qafqazinfo”ya istinadən xəbər verir ki, hadisə iyunun 15-də saat 16 radələrində Binəqədinin Xocəsən qəsəbəsində yerləşən taxta emalatxanasında qeydə alınıb.

Orada çalışan 1982-ci il təvəllüdlü Ağsu sakini – Balakişi Hacıyevin üzərində zorakılıq əlamətləri görünməyən meyiti tapılıb.

İlkin ehtimala görə, o, ürək çatışmazlığından vəfat edib.

Faktla bağlı araşdırmalar aparılır.