LSS MFL 2019/20 Liqasının V və VI turları: “BOS Shelf” liderliyini qorudu, “Lökbatan”dan darmadağın – FOTO – VİDEO | 1news.az | Xəbərlər
Futbol

LSS MFL 2019/20 Liqasının V və VI turları: “BOS Shelf” liderliyini qorudu, “Lökbatan”dan darmadağın – FOTO – VİDEO

16:50 - 08 / 11 / 2019
LSS MFL 2019/20 Liqasının V və VI turları: “BOS Shelf” liderliyini qorudu, “Lökbatan”dan darmadağın – FOTO – VİDEO

Azərbaycanın futbol üzrə ən böyük həvəskarlar liqası olan LSS MFL 2019/20-də 5-ci və 6-cı turların oyunları keçirilib.

1news.az-ın verdiyi xəbərə görə, həm İnfinity, həm də Platinum konferensiyalarında çıxış edən komandalar arasında “MFL Arena”nın meydanlarında keçirilən görüşlər hər zamankı kimi gərgin mübarizə şəraitində keçib.

Qeyd edək ki, 5-ci turda İnfinity konferensiyasının ən qollu qarşılaşması “Army United” və “BOS Shelf” komandaları arasında keçirilən görüşdə qeydə alınıb – 7 qol. TOTA – “Squadra” qarşılaşması isə bu həftə hər iki konferensiyada qapılara qol vurulmayan yeganə oyundur.

5-cü turda Platinum konferensiyasında “Grand” “Luchadores FC”n-in qapısından 11 cavabsız top keçirməklə turun ən böyük hesablı qələbəsinə imza atdı. “Ataman”la “Piramida SAYAD” komandaları isə meydandan sülhlə ayrıldılar – 1:1.

Qeyd etdiyimiz kimi, bu həftə həm də 6-cı turun oyunları baş tutub.

Mövsümün 6-cı turunda İnfinity konferensiyasında “Driffters”i 15:1 hesabı ilə darmadağın edən “FC Lökbatan” komandası həm turun, həm də həftənin ən böyük hesablı qələbəsinə imza atdı. “Leeds Baku” - “Mübariz FK” və “Galaxy FK” – “Xəzər Astara” görüşlərinin taleyini isə bir qol həll etdi.

6-cı turda Platinum konferensiyasında ən az qol “Avengers” – “Keşlə İMSİ” oyununda qeydə alınıb – 0:1. “Muğanbank” isə “Lokomotib Baku”nun qapısından beş cavabsız top keçirməklə zirvədəki yerini qoruyub.

Həftənin ən maraqlı qarşılaşmalarından biri İnfinity konferensiyasının 5-ci turu çərçivəsində “Galaxy FK” ilə “Universal” komandaları arasında baş tutub. Futbol həvəskarları bu iki iddialı komandanın görüşünü böyük həyəcanla gözləyirdilər. Bu isə heç də səbəbsiz deyildi.

Belə ki, MFL 2016/2017-ci il mövsümündə baş tutan matçlar 7-3 və 6-3, MFL 2017/2018-ci il mövsümündə isə 3-1 hesabıyla “Universal”ın xeyrinə başa çatmışdı. Cari mövsümdə gücünü xeyli artıran “qalaktika” təmsilçilərinin ötən mövsümlərin revanşını alıb almayacaqları böyük maraq doğururdu.

MFL-in səhifəsində canlı yayımlanan görüş birincilərin 3:0 hesablı inamlı qələbəsi ilə yekunlaşıb. Bu qələbə sayəsində “Galaxy FK” komandası rəqibindən əvvəlki məğlubiyyətlərin əvəzini çıxıb.

Bu həftə həm də “Grand” komandanın “Luchadores FC” üzərində 11:0 hesablı qələbəsi ilə əlamətdar oldu. Bu qələbədən sonra “Grand” komandasının kapitanı Toğrul Səfərli “Artıq heç kəs rahat olmasın, “təmirçilər” geri döndü!” deyərək digər komandalara bir növ ismarış göndərib. “Grand”ın rəqiblərinə narahatlıq yaradıb yaratmayacağını isə qarşıdakı turlarda görəcəyik.

5 maraqlı fakt

Bu həftə keçirilən 5-ci və 6-cı turlarla bağlı ən maraqlı 5 faktı təqdim edirik:

1. Geridə qalan 5-ci tur Liqanın əsas favoritlərindən olan “Squadra” komandası üçün düşərli olmadı. Belə ki, TOTA ilə qarşılaşma 0:0 hesablı nəticə ilə başa çatdığından “Squadra” mövsümdə ilk xal itkisi ilə üzləşdi.

2. “Squadra”dan fərqli olaraq həftə “Mübariz FK” komandası üçün olduqca uğurlu alındı. İlk dörd oyunda məğlub olaraq mövsümə olduqca pis başlayan komanda həm 5-ci, həm də 6-cı turda qələbə qazanmaqla mövsümün sonuna kimi mübarizə aparacağının siqnalı vermiş oldu.

3. İnfinity konferensiyasının vahid lideri “BOS Shelf” isə “Army United” və “Chelsea Baku” komandalarını məşğlub edərək zirvədə yer almasının təsadüfi olmadığını sübut etdi.

4. Bu həftə ən böyük hesablı qələbə “FC Lökbatan” - “Driffters” görüşündə qeydə alındı. Bu oyunda qapılara nə az, nə çox, düz 16 top vuruldu. Sevinən tərəf isə birincilər oldu – 15:1.

5. Yola saldığımız həftə həm də oyunçularla hakimlər arasında baş verən gərgin anlarla yadda qaldı. Ümid edirik ki, gələn həftələrdə bu cür xoşagəlməz hallar daha az yaşanacaq.

Geridə qalan 6 turdan sonra MFL 2019/2020-ci il mövsümünün İnfinity konferensiyasına keçirdiyi bütün oyunlarda qalib gəlmiş “BOS Shelf” komandası başçılıq edir. Onu cəmi bir oyunda xal itirən “Squadra” komandası izləyir. “Kontakt Home” isə 15 xalla üçüncü pillədə qərarlaşıb. Lakin onun bir oyun az keçirdiyini də qeyd etməliyik.

Beləliklə, İnfinity konferensiyasında turnir cədvəlinin ilk 8-liyi aşağıdakı kimidir:

Turnir cədvəlinin tamamına burada baxa bilərsiniz.

Geridə qalan 6 turdan sonra MFL 2019/2020-ci il mövsümünün Platinum konferensiyasında da tək hakimiyyətlilikdir. Zirvədə keçirdiyi 6 oyunun cəmi birində büdrəyən “Muğanbank” qərarlaşıb. Ondan bir oyun az keçirmiş “Peçat Dönər” ikinci, “Lokomotiv Baku”, “Rəcəbspor” isə üçüncü və dördüncü sıralarda yer alıblar.

Platinum konferensiyasında turnir cədvəlinin ilk 8-liyini təqdim edirik:

Turnir cədvəlinin tamamına burada baxa bilərsiniz.

LSS MFL 2019/20 Liqası – Leading Supply Solutions LLC, BOS SHELF LLC, McDonald's Azerbaijan, Muğanbank, Sabah Futbol Klubu, Carlsberg AzerbaijanGoSport Baku-nun sponsorluğu ilə keçirilir.

Daha ətraflı məlumatı liqanın mfl.az, eləcə də 1news İnformasiya Agentliyinin 1news.az saytlarından əldə edə bilərsiniz.

1news.az

Paylaş:
880

Son xəbərlər

Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19RİNN bayramda gücləndirilmiş iş rejimində fəaliyyət göstərəcəkBu gün, 10:56“Qala” qoruğunda Novruz şənliyi keçirilib - FOTOBu gün, 10:48Yol polisi səfərə hazırlaşan sürücülərə müraciət edibBu gün, 10:38Abad məhəllələrdəki Novruz şənlikləri davam edir - FOTOBu gün, 10:27Xankəndidə xeyli silah-sursat tapılıbBu gün, 10:24Ötən gün 18 kiloqramdan çox narkotik vasitə aşkarlanıbBu gün, 10:12Mikayıl Cabbarov İlaxır Çərşənbəyə dair paylaşım edibBu gün, 10:10FHN Novruz bayramı ilə əlaqədar əhaliyə təkrar müraciət edibBu gün, 10:03Dağlıq ərazilərdə 6 dərəcəyədək şaxta olub - FAKTİKİ HAVABu gün, 09:59Beynəlxalq əmtəə, fond və valyuta bazarlarının göstəriciləriBu gün, 09:46TƏBİB Novruz bayramı ilə əlaqədar gücləndirilmiş iş rejimində işləyəcəkBu gün, 09:29Azərbaycan Mərkəzi Bankının valyuta məzənnələri açıqlanıbBu gün, 09:24Saatlıda narkokuryerdən 8 kiloqram heroin və marixuana aşkar edilibBu gün, 09:16Azərbaycan neftinin qiyməti 88 dolları keçibBu gün, 09:12Mehriban Əliyeva İlaxır çərşənbə ilə bağlı paylaşım edibBu gün, 09:08Bu gün İlaxır çərşənbə qeyd olunurBu gün, 09:07
Bütün xəbərlər