1news.az

MiQ-29 təyyarəsinin pilotunun nəşi tapılıb - RƏSMİ - YENİLƏNİB

20 Avqust saat 13:12 ~ 1 dəqiqəlik oxu 107
MiQ-29 təyyarəsinin pilotunun nəşi tapılıb - RƏSMİ - YENİLƏNİB

İyulun 24-də plana uyğun olaraq gecə vaxtı təlim-məşq uçuşları keçirən zaman qəzaya uğrayan Hərbi Hava Qüvvələrinin MiQ-29 təyyarəsinin pilotu polkovnik-leytenant Atakişiyev Rəşad Saləddin oğlunun nəşi və təyyarənin qalıqları tapılaraq dənizdən çıxarılıb.

1news.az Müdafiə Nazirliyinin saytına istinadla xəbər verir ki, avqustun 21-də saat 10.00-da Silahlı Qüvvələrin Təlim-Tədris Mərkəzində hərbi pilotla vida mərasimi keçiriləcək.

Hazırda hərbi pilotun dəfninin təşkili ilə bağlı müvafiq tədbirlər həyata keçirilir.

1news.az

12:40

İyulun 24-də qəzaya uğramış Azərbaycan Hərbi Hava Qüvvələrinin MiQ-29 təyyarəsinin itkin pilotu Rəşad Atakişiyevin nəşi tapılıb.

1news.az xəbər verir ki, bu barədə  pilotun qayınatası Qabil Hüseynli məlumat verib. 

Onun sözlərinə görə, bu gün Rəşad Atakişiyevin nəşi ekzpertizadan keçiriləcək. Sabah mərhum pilotla vida mərasimi təşkil olunacaq.  R.Atakişiyevin cənazəsi II Fəxri Xiyabanda dəfn olunacaq.

Rəşad Atakişiyev 1984-cü ilin yanvarın 7-də doğulub. O, Heydər Əliyev adına Hərbi Akademiyada təhsil alıb.

Qeyd edək ki, iyulun 24-də saat 22.00 radələrində plana uyğun olaraq gecə vaxtı təlim-məşq uçuşları keçirən HHQ-nın MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib. 

1news.az

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net