KİV-lər haqqında yeni qanunvericilikdə əsas təkliflər nə ola bilər? - “Çıxışa doğru”-da MÜZAKİRƏ
Kütləvi informasiya vasitələrinin fəaliyyətini məhdudlaşdırmağa yönəlik istənilən tədbirlə, bildiyimiz kimi,dünyada müsbət qarşılanmır.
Qəzet etik qaydalara əməl etməlidir, bunun üçün onun şəraiti və informasiya mənbələrinə çıxışı olmalıdır.
Ümumilikdə ölkədə çap və internet mediası çoxşaxəli olmasına baxmayaraq, KİV-in, xüsusilə yayım mediasının müstəqilliyinin artırılması istiqamətində işlər görülməkdədir. Azərbaycanda KİV-in müstəqilliyinə zəmanət verən səmərəli hüquqi-institusional mexanizm inkişaf etdirilməlidir.
1News-un məlumatına görə, AzTV-nin “Çıxışa doğru” verilişində “KİV-lər haqqında yeni qanunvericilikdə əsas təkliflər nə ola bilər?” mövzusunda aparılan müzakirələr zamanı bu barədə ətraflı danışılıb. Verilişin qonaqları "Jurnalistikanın inkişafına yardım" fondunun sədri, əməkdar jurnalist Qulu Məhərrəmli, Azərbaycan Jurnalistlər Birliyinin sədri, "Ayna"və "Zerkalo"qəzetlərinin baş redaktoru Elçin Şıxlı, media hüququ üzrə ekspert Ələsgər Məmmədli və Azərvaycan Demokratik Jurnalistlər liqasının sədri Yadigar Məmmədli mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz: