MSK katibi: “Bəzi məntəqələrdə nəticələrin ləğv edilməsi ümumi nəticəyə təsir etmir”
Azərbaycan Mərkəzi Seçki Komissiyası (MSK) V çağırış Milli Məclisə seçkilərin nəticələrini yoxlayaraq yekun vurub.
1news.az “Report”a istinadən xəbər verir ki, MSK-nın bugünkü iclasında nəticələrə dair yekun protokol tərtib olunub. MSK katibi Arifə Muxtarova deyib ki, bəzi məntəqələrdə seçkinin nəticələri ləğv edilib.
Bunlar 12 saylı Qaradağ-Binəqədi-Yasamal, 15 saylı Yasamal Birinci Seçki Dairəsi, 52 saylı Quba Seçki Dairəsi, 82 saylı Ağcabədi Seçki Dairəsi, 83 saylı Ağcabədi-Füzuli Seçki Dairəsi, 85 saylı Şamaxı Seçki Dairəsi, 21 saylı Nəsimi Birinci Seçki Dairəsinin bəzi məntəqələridir. Qeyd olunub ki, bəzi məntəqələrdə nəticələrin ləğv edilməsi ümumi nəticəyə təsir etmir.
MSK üzvləri protokolun tərtib edilməsi barədə razılığa gəliblər.
