Ermənistan Silahlı Qüvvələrinin növbəti pilotsuz uçan aparatı məhv edilib

Azərbaycan əsgərləri Silahlı Qüvvələrimizin mövqeləri üzərində uçuşlar həyata keçirməyə cəhd göstərən Ermənistana məxsus pilotsuz uçan aparatı zərərsizləşdiriblər.

1news.az-ın verdiyi xəbərə görə, bununla bağlı Müdafiə Nazirliyi məlumat yayıb.

Məlumata görə, bu gün saat 9.00 radələrində Tərtər rayonu istiqamətində Silahlı Qüvvələrimizin mövqeləri üzərində uçuşlar həyata keçirməyə cəhd göstərən Ermənistan Silahlı Qüvvələrinə məxsus növbəti DJI Inspire 1 (Quadcopter) tipli pilotsuz uçan aparat (PUA) bölmələrimizin sayıqlığı nəticəsində vaxtında aşkar olunaraq açılan atəş nəticəsində məhv edilib.

1news.az