Balaca şahzadənin Bakı bulvarında sərgüzəşti–FOTO | 1news.az | Xəbərlər
Müsahibə

Balaca şahzadənin Bakı bulvarında sərgüzəşti–FOTO

16:55 - 14 / 12 / 2015
Balaca şahzadənin  Bakı bulvarında sərgüzəşti–FOTO

Keçən həftə sosial şəbəkələrdə Antuan de Sent-Ekzüperinin məşhur povestinin baş qəhrəmanı  Balaça şahzadə və tülkünün Bakı bulvarı fonunda  çəkilmiş fotoları yayımlanmışdı.

Foto “Balaca Şahzadə” birliyinin rəsmi facebook səhifəsi tərəfindən paylaşılıb, mindən artıq bəyənmə və paylaşım toplayıb.

Şəklin müəllifi italiyalı gənc qız Şarlotta Mangesabdudur.  (Charlotte Mangesaindoux)

Məlum olub ki, o Bakıya atasının dəvəti ilə gəlib. Belə ki, qızın atası yaxın illərdə Bakıda iri miqyaslı arxeoloji sərgini təşkil etməyi planlaşdırır.

1news.az –a müsahibəsində  Şarlotta balaca şahzadə obrazına bağlı olması , səyahətlərə olan sevgisi və Bakı səfəri ilə bağlı təəssüratlarını bölüşüb.

Şarlotta Nepolda dünyaya gəlsə də, İtaliyanın orta əsr şəhərləri tipli kiçik Urbino şəhərində yaşayır. Qızın atası italiyalı axreoloq, anası isə argentinalı restavratordur.

“Uşaqlıqdan bütün dünyanı gəzmək xoşbəxtliyinə sahib olmuşam. Növbəti səyahətim zamanı həyatımın sevgisi ilə qarşılaşdım”-deyə, Şarlotta bildirib.

“Bakıda ancaq bir həftə qalmağıma baxmayaraq, bu şəhəri çox sevdim! Gördüklərim məni valeh etdi! Bakının belə olacağını heç vaxt düşünməzdim. O, çox sadə,  səliqəli, zəngin ənənəyə sahib olmaqla yanaşı, həm də dünyaya və dəyişikliyə açıq şəhərdir”

Şarlottanın sözlərinə görə, o, Bakıda mümkün qədər çox yerləri gəzib. Qeyri-adi memarlıq quruluşuna malik Heydər Əliyev Mərkəzi, həmçinin, şəhərin məşhur memarlıq abidəsi olan Qız qalası, paytaxtın müasir simvolu- Alov Qüllələri (Flame Towers)  onu heyran edib.

Bunlardan əlavə Şarlotta Dənizkənarə bulvar, şəhərin parlaq gecə həyatı və “inanılmaz ləzzətə” malik mətbəxini də çox bəyənib.

“Lakin ən çox məni heyrətləndirən insanların dostcanlılığı , mənə və təəssüratlarıma olan xoş marağı idi”-deyə italyan qız qeyd edib.

Dənizkənarı bulvarda fotosunu çəkdiyi balaca şahzadə fiquruna gəlincə, qız qeyd etdi ki,  “Balaca Şahzadə” povesti onun ən sevimli əsəridir. Hər dəfə  oxuduqca onda nə isə yeni və maraqlı məqamlara rast gəlir.

“Bu kitab məni təəccübləndirməkdə davam edir. Bizim ailədə doğulan bütün uşaqlara bu kitabı bağışlayıram”-gülərək, müsahibimiz söylədi.

Bu fiquru Şarlotta təsadüfən, xəstəxanada könüllü işləyərkən  əldə edib. Leykemiyadan əziyyət çəkən balaca qızcığaz bu fiquru Şarlottaya bağışlayıb. O, isə öz növbəsində bundan sonra bütün səfərlərində Balaca Şahzadəni də özü ilə götürəcəyinə söz verib. 

“Bu mənim balaca qoruyucu mələyimdir. O mənə uğur gətirir”-Şarlotta deyib.

Qonaq Bakıda olarkən xoş bir hadisə baş verib. Şarlotta Bakıdakı Kukla Teatrına gəldiyi zaman burada təsadüfən “Balaca Şahzadə” tamaşası nümayiş olunurdu.

“Bu xoş təsadüf mənə çox təsir etdi. Düşünürəm ki, bu xüsusi işarədir. Mənə doğru yerdə, doğru zamanda olduğumu göstərir. Mən bu obrazla öz aramda möhkəm əlaqə hiss edirəm. Xarici dildə tamaşanı izləmək isə ikiqat maraqlı idi”.

Bakı bulvarında çəkdiyi balaca şahzadə fotosunun  bütün internetdə yayıldığını italiyalı qız vətəninə qayıtdıqdan sonra öyrənib.

Şarlotta Azərbaycana növbəti səfəri zamanı paytaxtdan kənarda olan bölgələrlə tanış olmağı, öz ölkəsinin mədəniyyəti ilə bənzər cəhətlərini gördüyü Azərbaycan xalqının mədəniyyətini daha dərindən öyrənməyi planlaşdırır.

1news.az

Paylaş:
1893

Sizin üçün xəbərlər

Son xəbərlər

Fərid Əhmədov nazir müavini təyin olunub - Prezidentdən SƏRƏNCAM24 / 05 / 2022, 22:26Samir Məmmədov rəqəmsal inkişaf və nəqliyyat nazirinin müavini təyin edilib24 / 05 / 2022, 22:22Cavid Qurbanov ADY sədri vəzifəsindən azad edildi, nazir müavini oldu24 / 05 / 2022, 22:02Qala qoruğunda Beynəlxalq Çay Günü qeyd olunub - FOTO24 / 05 / 2022, 20:19İsveçrə Prezidenti İlham Əliyevi təbrik edib24 / 05 / 2022, 18:00Dolların sabaha olan rəsmi məzənnəsi açıqlanıb24 / 05 / 2022, 17:54Çempionlar Liqasında finalın topu təqdim edilib24 / 05 / 2022, 17:46Paytaxt məktəblərində “Şuşa İli” çərçivəsində tədbirlər davam edir24 / 05 / 2022, 17:39Qvineya-Bisau Prezidenti Azərbaycan dövlət başçısını təbrik edib24 / 05 / 2022, 17:32Nazirlər Kabineti rüsumlarla bağlı dəyişikliklər üzrə uyğunlaşdırmalar aparıb24 / 05 / 2022, 17:30Baş katib: “Heç bir NATO ölkəsi Türkiyə qədər terror hücumlarına məruz qalmayıb”24 / 05 / 2022, 17:28“Toyota Prius” YPX avtomobilinə çırpıldı - VİDEO24 / 05 / 2022, 17:11Mayda qida zəhərlənməsindən 16 nəfər KTM-ə müraciət edib24 / 05 / 2022, 17:05Rəqəmsal İnkişaf və Nəqliyyat Naziri Selçuk Bayraktarla görüşüb - FOTO24 / 05 / 2022, 16:53ABB Şamaxı filialı və “Azəriqaz” şöbəsini də yenilədi24 / 05 / 2022, 16:40AQTA qanunsuz fəaliyyətlərin qarşısını almaq üçün sahibkarları diqqətli olmağa çağırır24 / 05 / 2022, 16:3552 saylı marşrut xəttindən şikayət var – Redaksiyaya məktub24 / 05 / 2022, 16:20Azərbaycanın paytaxtında Bakı Enerji Həftəsi keçiriləcək24 / 05 / 2022, 16:14Fərid Qayıbov UNESCO-da komitə sədri seçildi24 / 05 / 2022, 15:56Həcc ziyarəti ilə bağlı sənədlərin qəbuluna start verilib24 / 05 / 2022, 15:51
Bütün xəbərlər

Next TV