“Müharibə üzlərdə” jurnalının və www.facesofkarabakhwar.com saytının təqdimatı keçirilib – FOTO
Azərbaycan Qaçqın və Məcburi Köçkünlərin Hüquqlarının Müdafiəsi Mərkəzi tərəfindən hazırlanmış “Müharibə Üzlərdə” foto-albomun və www.facesofkarabakhwar.com saytının təqdimat mərasimi keçirilib.
1news.az-ın məlumatına görə, Azərbaycan Respublikasının Dağlıq Qarabağ bölgəsinin Azərbaycanlı İmcasının mərkəzi qərargahında Prezident yanında Qeyri Hökumət təşkilatlarına dəstək şurasının maliyyə dəstəyi ilə keçirilən mərasimdə “Azərbaycan Respublikasının Dağlıq Qarabağ Bölgəsinin Azərbaycanlı İcması” İctimai Birliyinin sədri Bayram Səfərov, Prezident Administrasiyasının ictimai-siyasi məsələlər şöbəsinin məsul əməkdaşı Vüqar Səlimov, Milli Məclisin deputatları Elman Məmmədov, Flora Qasımova, işğal olunmuş rayonların sakinlərinin bir qismi iştirak ediblər.
Tədbiri giriş sözü ilə açan B.Səfərov Ermənistan-Azərbaycan, Dağlıq Qarabağ münaqişə haqqında həqqiətlərin dünya ictimaiyyətinə çatdırılmasında bu cür jurnalların, saytların və digər resursların əhəmiyyət danışıb.
Sonra çıxış edən nəşrdəki şəkillərin müəllifi Tayana Çaladze müharibə dövründə çəkiliş apardığı çətin anlardan bəhs edərək vurğulayıb ki, çəkdiyi fotolar bu həqiqətlərdən yalnız bir qismini əks etdirir.
Daha sonra layihənin rəhbəri Ayaz Salmanov çıxış edərək www.facesofkarabakhwar.com saytı haqqında iştirakçılara ətraflı məlumat verib. O bildirib ki, özündə foto şəkilləri və “Müharibə üzlərdə” jurnalını əks etdirən bu sayt 3 dildə fəaliyyət göstərir:
“Saytın məqsədi virtual imkanlardan istifadə etməklə bu saytda müharibə iştirakçısı olmuş daha çox insanın şəklini toplamaq və gələcək nəsillərə ötürməkdir”.
V.Səlimov T.Çaladzenin fərqli yaradıcılıq xüsusiyyətlərinə diqqəti cəlb edib. Bildirib ki, o, qaynar cəbhə bölgəsindən, odun-alovun içərisindən maraqlı məqamları, döyüşçülərimizin şəkillərini fotokamerasının yaddaşına köçürür. Xarici mətbuatda Qarabağ müharibəsi ilə bağlı dərc olunan qərəzli yazılara tutarlı cavablar verir.
Azərbaycan Respublikası Milli Məclisinin üzləri Elman Məmmədov və Flora Qasımova da tədbridə çıxış edərək jurnalın və saytın əhəmiyyətindən danışıblar.
1news.az
