Sadəcə bir gün yağan qar bizi dünyada “məşhur etdiyi” üçün cənab merə təşəkkür edirik! – VİDEO

Yolun buzla örtülmüş hissəsində idarə etməni itirmiş avtomobil və avtobusların sürüşməsi bizi bütün dünyada “məşhur etdi”.

Təsəvvür edin, qış vaxtı yolun qətiyyən bu cür olmaması ilə bağlı videoçarx CBC News, Dailystar, The Guardian, Euronews kimi məşhur media resursların səhifələrində yer alır. Məhz bu videoçarx sayəsində dünya sevimli Bakımızın küçələrində baş verənlərlə tanış olur.

Hadisənin ən acınacaqlı tərəfi ondadır ki, bu videçarxa diqqət yetirmiş KİV resursları özləri daha çox Yer kürəsininşimal hissəsində (Kanada, Böyük Britaniya) yaşayırlar. Əgər biz, onları təəccxübləndirə bilmişiksə, təsəvvür edin ki, bu videoçarxı izləyən hər hansı bir ərəb və ya afrikalı nə vəziyyətə düşər?!

Burada qeyd etmək yerinə düşər ki, ölkəmizin dünyada məşhur olması üçün kifayət qədər səbəbləri var. Bunlardan ən azı Azərbaycanın ev sahibliyi və təşkil etdiyi mədəni tədbirləri göstərmək olar. Eyni zamanda, incəsəət sahəsində də müxtəlif tədbirlər keçirilib. Bundan əlavə,Allah çox şükür, çoxlu sayda idman tədbirlərini də nümunə gətimək olar!

Bu cür tədbirlərdən bir neçəsinin adını sadalamaq istərdim: ölkəmizdə 2012-ci ildə keçirilən “Avroviziya” mahnı müsabiqəsi, 2015-ci ildə möhtəşəm təşkil olunmuş Avropa Oyunları. Bütün bunlara avtomobil idmanının şahzadəsi Formula-1 yarışları da qoşulacaq.

İndi isə şəhərin İcra Hakimiyyəti Orqanları ilə kommunal xidmətlərin sayəsində bu siyahıya asfalt üzərində “analoqu olmayan fiqurlu konkisürmə” də daxil oldu.

Fürsətdən istifadə edərək bütün Bakı sakinlərinin adından bu cür möhtəşəm PR kampaniyasına görə şəhərin meri başda Hacıbala Abutalıbova, eyni zamandaİcra Hakimiyyəti Orqanlarının digər vəzifəli şəxlərinə dərin təşəkkürümü bildirirəm!

Yoldakı buz həqiqətən də bərq vurur! İnanmırsınız? O zaman videoçarxı izləyin.

1news.az