Zahid Oruc Çingiz Abdullayevin və bir neçə vəzifə tutan məmurların işdən azad olunmasını təklif edib

Milli Məclisin deputatı Zahid Oruc parlamentin plenar iclası zamanı bir neçə vəzifədə çalışan məmurların işdən azad edilməsini təklif edib.

“Yazıçı  Çingiz Abdullayev bildirib ki, 4 uşaq atasının müdafiə edə bilmir. Mən onun narahatlığını anlayıram. Lakin onun sözləri həm də özünə aiddir, cünki özü 4 vəzifəni tutur”,- Z.Oruc deyib.

“Bir neçə vəzifəni tutan məmur işdən azad olunsa 1000-dən çox iş yeri açılar”,- o, bildirib.

Xatıladaq ki, bir müddət əvvəl yazıçı Çingiz Abdullayev özünün Facebook profilinde yazmışdı: “Bu gün bir neçə nəfəri işdən azad etməli idim. Əmri gətirdilər. Nə edəcəyimi bilmədim”

“İxtisar olunmalı şəxslər arasında 4 uşaq atası var idi. Onun 4 uşağı və hamilə yoldaşı var. İxtisar olunacağını öyrəndikdə ağladı. Bunu yazdığım üçün məni bağışlasın. Amma onun əmrini imzalaya bilmədim. Sadəcə bacarmadım. Görünür mən yaxşı rəhbər deyiləm”,- Ç. Abdullayev yazıb.

1news.az