Bahar Muradova: “Azərbaycan və erməni icmaları arasında görüşə Ermənistan mane olur”

“Azərbaycan Dağlıq Qarabağ münaqişəsi ilə bağlı vətəndaş cəmiyyəti üzvlərinin görüşünün tərəfdarıdır”.

1news.az-ın APA-ya istinadən verdiyi xəbərə görə, bunu Azərbaycanın ATƏT Parlament Assableyasında (PA) nümayəndə heyətinin rəhbəri Bahar Muradova isveçli məruzəçi Marqareta Sederfeldin ATƏT PA-nın iclasındakı çıxışında vətəndaş cəmiyyəti üzvlərinin görüşünün vacibliyi ilə bağlı qeydinə münasibət bildirərkən deyib.

“Lakin Ermənistan tərəfi bununla bağlı təxribatçı çıxışlar edir. İrəvan yaxşı bilir ki, icmalar arasında görüşə mane olan tərəf məhz özüdür”- deyə, B. Muradova qeyd edib.

1news.az