Malena Mard: “Azərbaycan və Aİ hərtərəfli saziş üzrə danışıqların başlaması ilə əlaqədar nümayəndə heyəti formalaşdıracaq”

“Azərbaycan və Aİ arasında hərtərəfli saziş üzrə danışıqların başlaması ilə əlaqədar indi biz hər iki tərəfdən nümayəndə heyəti formalaşdırırıq. Danışıqların başlamasına görə şadıq”.

1news.az Report-a istinadən xəbər verir ki, bunu jurnalistlərə açıqlamasında Avropa İttifaqının Azərbaycandakı nümayəndəliyinin rəhbəri Malena Mard deyib.

Onun sözlərinə görə, Aİ-nin nəqliyyat sahəsiylə məşğul olan nümayəndə heyəti bu həftə Azərbaycana səfər edəcək.

M.Mard ümumilikdə bir çox sahələrdə intensiv dialoq aparıldığını bildirib.

Səfir həmçinin əlavə edib ki, nəqliyyat və energetika üzrə Azərbaycan-Aİ altkomitəsinin bu ilin dekabr ayına təyin edilmiş iclası gələn ilin yanvar ayına təxirə salınıb.

1news.az