Netanyahu Azərbaycana dekabrın 13-də səfər edəcək
İsrailin baş naziri Benyamin Netanyahunun Azərbaycana rəsmi səfərinin dəqiq tarixi məlum olub.
1news.az xəbər verir ki, bu barədə diplomatik mənbə APA-ya məlumat verib.
Məlumata görə, baş nazir Azərbaycana dekabrın 13-də gələcək və bir gün qalacaq, Növbəti gün isə Qazaxıstana yola düşəcək.
Bu, B. Netanyahunun baş nazir kimi hər iki ölkəyə ilk səfəri olacaq.
O, Azərbaycana səfəri zamanı prezident İlham Əliyevlə görüşəcək. Səfər çərçivəsində iqtisadi sahədə əməkdaşlığa dair bir sıra sənədlərin imzalanması gözlənilir.
Qeyd edək ki, bir müddət öncə də İsrail mətbuatında mənbəyə istinadən baş nazirin səfərinin tarixini açıqlamışdı. Lakin hökumət səfərin yaxın günlərdə baş tutacağını təsdiqləsə də, dəqiq tarixi açıqlamayıb.
1news.az
