Məşhur futbolçu haqqında həbs qərarı: zorlamada ittiham edilir

Milan məhkəməsi Braziliya millisinin keçmiş hücumçusu, hazırda ölkəsinin “Atletiko Mieyro”da çıxış edən Robinyo haqqında həbs qərarı verib.

1news.az-ın məlumatına görə, buna səbəb futbolçunun qrup halında zorlamada təqsirləndirilməsidir.

İddiaya görə, Robinyo “Milan”da çıxış edərkən 2013-cü ilin yanvar ayında 5 nəfərlə birlikdə diskotekalardan birində Albaniya vətəndaşı 22 yaşlı gənc qızı zorlayıblar.

Bu gün baş tutan məhkəmə iclasında isə 33 yaşlı futbolçu haqqında 9 illik həbs qərarı çıxıb. Onunla birlikdə digər 5 nəfər haqqında da həbs qərarı verilib.

Futbolçunun vəkili Marisa Aliya isə onun günahsız olduğunu və qərardan apelyasiya şikayəti verəcəklərini bildirib.

Qeyd edək ki, Robinyo karyerası ərzində “Santos”, “Real Madrid”, “Maneçster Siti” və “Milan” kimi klubların formasını geyinib. O, Braziliya millisi ilə 100 oyunda meydana çıxıb və 28 qola imza atıb.

1news.az