Avropanın ən yaxşıları məlum oldu: “Real”, Zidan, Ronaldo...
Avropa Klublar Assosiasiyası və Avropa Futbol Agentləri Assosiasiyasının təsis etdiyi “Globe Soccer Awards”ın laureatları bəlli olub.
1news.az-ın məlumatına görə, Madridin “Real” klubunun çalışdırıcısı Zinəddin Zidan 2017-ci ilin məşqçisi seçilib. “Real” isə ilin ən yaxşı klubu nominasiyasında qalib olub.
“Real” futbol klubunun hücumçusu Kriştianu Ronaldu isə 2017-ci ildə Avropanın ən yaxşı idmançısı adına layiq görülüb.
32 yaşlı futbolçu səsvermədə Formula-1 üzrə dünya çempionu Luis Hamiltona, həmçinin tennisçilər Rocer Federer və Rafael Nadala qalib gəlib.
Portuqaliyalı Jorje Mendeş agentlər, Feliks Brix hakimlər arasında ən yaxşı kimi fərqlənib. İspaniya Primerası dünyanın ən yaxşı liqası, “Monako”nun vitse-prezidenti Vadim Vasilyev ən yaxşı futbol rəhbəri mükafatına sahib çıxıb.
1news.az
