Azərbaycan və Latviya XİN-ləri arasında siyasi məsləhətləşmələr keçirilib | 1news.az | Xəbərlər
Şou-biznes

Azərbaycan və Latviya XİN-ləri arasında siyasi məsləhətləşmələr keçirilib

18:26 - 26 / 10 / 2020
Azərbaycan və Latviya XİN-ləri arasında siyasi məsləhətləşmələr keçirilib

Oktyabrın 26-da Azərbaycan Xarici İşlər Nazirliyi və Latviya Xarici İşlər Nazirliyi arasında videokonfrans formatında siyasi məsləhətləşmələr keçirilib.

1news.az-a XİN-in mətbuat xidmətindən verilən xəbərə görə, nümayəndə heyətlərinə Azərbaycan tərəfindən Xarici İşlər nazirinin müavini Xələf Xələfov, Latviya tərəfindən isə bu ölkənin Xarici İşlər Nazirliyinin dövlət katibinin müavini, siyasi direktoru Yaniş Mazeiks rəhbərlik ediblər.

Məsləhətləşmələr zamanı iki ölkə arasında əlaqələrin hazırkı vəziyyəti təhlil olundu və əməkdaşlıq perspektivləri barədə fikir mübadiləsi aparılıb. Tərəflər Azərbaycan və Latviya arasında siyasi dialoqun yüksək səviyyədə olduğundan məmnunluq ifadə edib. Bu xüsusda, Azərbaycan və Latviya arasında 2017-ci ildə imzalanmış Strateji Tərəfdaşlığın Yaradılması haqqında Bəyannamə xüsusi əhəmiyyət kəsb edən hadisə kimi dəyərləndirilib.

İkitərəfli iqtisadi əməkdaşlığın geniş potensiala malik olduğu qeyd edilib və ikitərəfli iqtisadi-ticari, elmi-texniki və mədəni sahələrdə əlaqələrin təşviqinə dair məsələlərin müzakirəsi və həlli məqsədilə Hökumətlərarası Komissiyanın növbəti 8-ci iclasının 2021-ci ildə keçirilməsinin mümkün olacağına ümid ifadə edilib.

Həmçinin mədəniyyət, elm və təhsil sahələrində əlaqələr müzakirə edildi, bu xüsusda hər il Azərbaycandan çox sayda gənclərin Latviya universitetlərində təhsil almasından məmnunluq bildirilib.

Görüşdə Ermənistan-Azərbaycan Dağlıq Qarabağ münaqişəsi mövzusu ətrafında fikir mübadiləsi aparılıb. Münaqişənin sülh yolu ilə həlli üçün müvafiq BMT Təhlükəsizlik Şurasının qətnamələrinin yerinə yetirilməsinə diqqət çəkilib. X.Xələfov Latviyanın Azərbaycanın ərazi bütövlüyü və suverenliyini dəstəklədiyinə görə Latviya tərəfinə təşəkkürünü bildirib.

Nazir müavini Latviya tərəfinə Ermənistanın Azərbaycana qarşı təcavüzkar siyasəti, o cümlədən cari ilin 12-16 iyul tarixlərində Azərbaycan–Ermənistan dövlət sərhədində həyata keçirdiyi hərbi təxribatı və 27 sentyabrda Azərbaycana qarşı növbəti təcavüz aktı barədə məlumat verib. X.Xələfov Ermənistan silahlı qüvvələrinin humanitar atəşkəsi pozmaqda davam etməsi, münaqişə zonasından uzaqda yerləşən Azərbaycan şəhərlərinin, dinc əhalinin, mülki infrastrukturların məqsədyönlü şəkildə etdiyi raket atəşinə tutması, 27 sentyabrdan başlayaraq Azərbaycana qarşı yeni təcavüzü nəticəsində 65 mülki şəxsin həyatını itirdiyi və 300-ə yaxın mülki şəxsin yaralandığını həmsöhbətinin diqqətinə çatdırıb.

Nazir müavini qeyd edib ki, Azərbaycan özünümüdafiə hüququna əsaslanaraq beynəlxalq tanınmış sərhədləri çərçivəsində Ermənistan tərəfindən işğal edilmiş ərazilərinin azad olunması üçün hərbi-siyasi tədbirləri davam etdirir. Ermənistan işğalçı qüvvələrinin Azərbaycan ərazilərində Azərbaycan silahlı qüvvələrinə qarşı müharibə aparmasına görə məsuliyyət bütövlükdə Ermənistan hərbi-siyasi rəhbərliyinin üzərinə düşür. Ermənistan silahlı qüvvələri Azərbaycan ərazilərini tam tərk etməyənədək bölgədə dayanıqlı sülh təmin oluna bilməz.

Tərəflər həmçinin qarşılıqlı maraq doğuran digər regional və beynəlxalq məsələlər ətrafında fikir mübadiləsi aparıb.

S.Xankişiyeva

 

Paylaş:
5905

Son xəbərlər

Zəfər tariximiz: Laçının işğaldan azad edilməsindən 1 il ötürBu gün, 01:40Dolların sabaha olan rəsmi məzənnəsi açıqlanıb30 / 11 / 2021, 18:04Sahibə Qafarova: Helikopterin qəzaya uğraması xəbəri hər birimizi sarsıtdı30 / 11 / 2021, 18:00Bakıda mülki geyimli polislər maskadan istifadə etməyənlərə qarşı reydlər keçirib - VİDEO30 / 11 / 2021, 17:51Azərbaycanlı qardaşlarımızın başı sağ olsun - Binəli Yıldırım30 / 11 / 2021, 17:50Prokuror Zakir Sultanova 12 il cəza istədi30 / 11 / 2021, 17:42“Sən kimsən ki, azərbaycanlıların evlərini paylayırsan?”- ermənilərin “xaç atası” Qarabağdan qaçıb30 / 11 / 2021, 17:36Qazaxıstan səfirliyi Azərbaycana başsağlığı verdi30 / 11 / 2021, 17:33Bu avtobusların hərəkət sxeminə dəyişiklik edilib - SİYAHI30 / 11 / 2021, 17:27Vahid əlaqələndirmə mərkəzlərinə 4 mindən çox müraciət olub30 / 11 / 2021, 17:26Zaqatalada ana və iki övladı dəm qazından zəhərlənib, 9 yaşlı qız ölüb30 / 11 / 2021, 17:18Dünya şöhrətli alim Əziz Sancar Diasporla İş üzrə Dövlət Komitəsində olub30 / 11 / 2021, 17:09Ceyhun Bayramovla Mövlud Çavuşoğlu arasında telefon danışığı olub30 / 11 / 2021, 17:01COVID-19 əleyhinə peyvənd olunanların sayı açıqlanıb30 / 11 / 2021, 16:52Xızıda helikopter qəzasının baş verdiyi yerdən görüntülər - VİDEO30 / 11 / 2021, 16:42Günün yoluxma statistikası açıqlandı30 / 11 / 2021, 16:41Prezident “Əhalinin sağlamlığının qorunması haqqında” qanunda dəyişikliyi təsdiqləyib30 / 11 / 2021, 16:31İran səfirliyi helikopter qəzası ilə bağlı Azərbaycana başsağlığı verib30 / 11 / 2021, 16:25Baş Prokurorluq Xızıda hərbi helikopterin qəzaya uğraması ilə bağlı məlumat yaydı30 / 11 / 2021, 16:22İlham Əliyev helikopter qəzasında həlak olanların ailələrinə başsağlığı verib30 / 11 / 2021, 16:13
Bütün xəbərlər

Next TV