“Mülki əhali hədəfdə” - “Çıxışa doğru”da müzakirə – FOTO – VİDEO
Erməni ordusunun raket atdığı Gəncə, Bərdə, Tərtər və digər yaşayış məntəqələri döyüş zonasından xeyli uzaqda yerləşir. Orada hərbi obyekt yoxdur, minlərlə insan yaşayır.
Bu yaşayış məntəqələrinə raket atan erməni terrorçuları bilərəkdən mülki əhalini hədəfə alıb. Raket hücumu zamanı ölənlər arasında çoxlu sayda qadın və uşaq olub, xeyli sayda insan yaralanıb. Bu cinayətdir! Hətta müharibənin də öz qaydaları var. Azərbaycan öz əraziləri və öz tarixi torpaqlarının azad olunması üçün mübarizə aparır.
Müzəffər Ordumuz Gəncə, Bərdə, Tərtər və digər yaşayış məntəqələrində erməni terrorçuları tərəfindən törədilən bu qətliyamın cavabını döyüş meydanında verir, hər gün işğal altında olan torpaqlarımızı düşmən tapdağından azad edir, onların xeyli sayda texnika və canlı qüvvəsini məhv edir.
1news.az-ın verdiyi xəbərə görə, AzTV-nin “Çıxışa doğru” verilişində “Mülki əhali hədəfdə” mövzusunda aparılan müzakirələr zamanı bu barədə ətraflı danışılıb. Verilişin qonaqları aprel döyüşləri şəhidi Əbdülməcid Axundovun anası Ceyran Həsənova, jurnalist, MTRŞ-in üzvü Telli Pənahqızı, ADMİU-nun səhnə danışığı kafedrasının müdiri, əməkdar artist Azad Şükürov və Milli Məclisin deputatı Vüqar iskəndərov mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
S.Xankişiyeva